Air Astana halyqtyq ІRO-ǵa shyǵady, QazaqGaz kásiporny da soǵan daıyndalýy kerek
«Basty maqsat – aktıvterdi basqarý isiniń ashyqtyǵyn jáne tıimdiligin barynsha arttyrý. «Samuryq-Qazyna» qorynyń beıindi emes aktıvteriniń bári jeke menshikke jáne halyqtyq ІRO-ǵa ótýi kerek. Úkimet bul jumysty 2024 jyldan bastap qolǵa alady. Kelesi jyly «Air Astana» kompanııasy halyqtyq ІRO-ǵa shyǵarylady. «QazaqGaz» kásiporny da osy jumysqa daıyndalýy kerek. Іri kompanııalardaǵy memleket aktıvteri saýdaǵa shyǵýǵa tıis», - dedi Memleket basshysy.
Sonymen birge, Básekelestikti qorǵaý jáne damytý agenttigi Úkimetpen birlesip, negizgi naryqtardy demonopolızatsııalaý úshin shara qabyldaýǵa tıis.
«Biz saýda-sattyqty órkenıetti jolmen júrgizý úshin taýar bırjalarynyń jumys isteýine qolaıly jaǵdaı jasadyq. Alaıda retteý jumysynyń tıimdiligi tómen bolǵandyqtan, bireýlerdiń yrqynan shyqpaıtyn taýar bırjalary paıda boldy. Olar básekelestikti joıatyn, ımporttyń jáne ónimsiz deldaldyqtyń paıdasy úshin satyp alý rásimderin aınalyp ótetin oryndarǵa aınaldy. Retteý talaptaryn kúsheıtip, aıtylǵan kemshilikterden túgel arylý qajet», - dedi Qasym-Jomart Toqaev.