Air Astana áýe kompanııasyna sanktsııa salyna ma

<p>Quzyrly organdar Air Astana áýe kompanııasyna tónýi múmkin sanktsııalyq qaýipke qatysty resmı túsinik berdi, dep habarlaıdy QazAqparat tilshisi.&nbsp;</p>

Belgili bolǵandaı, Reseı «BAE Systems» brıtandyq qorǵanys kompanııasynyń dırektorlar keńesiniń tóraǵasy Kressıda Hoggqa qarsy sanktsııa jarııalady. Óz kezeginde, atalǵan kompanııa qazaqstandyq Air Astana áýe kompanııasynyń 49% aktsııasyna ıe. Osy oraıda BAQ ókilderi quzyrly organdar basshylarynan Air Astana-ǵa tónetin qaýip týraly suraǵan edi.

«Air Astana áýe kompanııasy - bizdiń ulttyq operatorymyz, Qazaqstannyń majorıtary. Sondyqtan kompanııa shtattyq rejımde jumys isteıdi. Atalǵan ulttyq áýe operatorynyń qyzmetinde eshqandaı ózgerister bolmaıdy», - dep jaýap berdi Kólik mınıstri Marat Qarabaev vedomstvoda ótken baspasóz máslıhaty barysynda.

Atalǵan máselege qatysty Azamattyq avıatsııa komıtetiniń tóraǵasy da óz oıyn ortaǵa saldy.

«Biz halyqaralyq sharttarǵa úlken qurmetpen qaraımyz. Birinshi kezekte, halyqaralyq Azamattyq avıatsııa uıymy shyǵarǵan sharttar men standarttarǵa. Bul turǵyda stantsııalarǵa baılanysty kompanııanyń qyzmetin shekteý úshin qandaı da bir kedergiler nemese negizder kózdelmegen. Biz halyqaralyq standarttar negizinde qatań jumys isteımiz. Biz eshqandaı keri saldardy kórip otyrǵan joqpyz», - deıdi Talǵat Lastaev.