Air Astana «Almaty-Dýbaı-Almaty» baǵytyndaǵy reısterdi toqtatty

<p>ASTANA. KAZINFORM — Air Astana Almaty-Dýbaı-Almaty baǵyty boıynsha 17 sáýirge josparlanǵan KS897/KS898 reısteri Dýbaı áýejaıynyń jabylýyna baılanysty toqtatylatynyn habarlady.</p>

«Jolaýshylar bıletterdi basqa kúnderge qaıta brondaı alady nemese satyp alý orny boıynsha qunyn qaıtara alady.

Astana-Dýbaı baǵyty boıynsha 17 sáýirdegi KS205 reısi barý pýnkttegi áýejaıdyń jabylýyna baılanysty Fýdjeıra qalasynyń áýejaıyna qondy. Dýbaıǵa ushý ýaqyty 18 sáýir jergilikti ýaqyt boıynsha 08:20–ǵa josparlanǵan. Dýbaı-Astana baǵyty boıynsha KS206 reısi jergilikti ýaqyt boıynsha 18 sáýir 10:00–ge aýystyryldy» delingen habarlamada.

Dýbaıǵa ushý kestesinde basqa ózgerister bolyp jatsa, áýekompanııa qosymsha habarlaıdy.

Áýejaıǵa barar aldynda áýekompanııanyń resmı saıtynda reıstiń statýsyn tekserip alǵan jón.