Air Astana aktsııalary 15 aqpannan satyla bastaıdy

<p>ASTANA. KAZINFORM &ndash; Osy jyldyń 15 aqpanynda Air Astana aktsııalary satylymǵa shyǵarylady. Bul týraly Air Astana tobynyń qarjy jónindegi atqarýshy dırektory Ibrahım Janlyel aıtty.</p>

«Búgin biz roýd-shoýdy London men Qazaqsanda bir ýaqytta bastaımyz. Lıstıng 8 aqpanǵa deıin jalǵasady dep kútemiz. Saýda-sattyqtyń 14 aqpanda Londonda jáne 15 aqpanda KASE pen AIX-te bastalatyndyǵy sózsiz», - dedi Ibrahım Janlyel zoom arqyly ótken baspasóz máslıhatynda.

Onyń atap ótýinshe, qazirdi ózinde ótinim qabyldaý ashyq. ıAǵnı, áleýetti ınvestorlar satyp alýǵa jáne aktsııalar sanyna qatysty ótinimin bere alady.

Ornalastyrýdyń boljamdy baǵa dıapazony ǵalamdyq depozıtarlyq qolhattar ( munany ary - ǴDQ) úshin 8,50-den 11,00 AQSh dollarǵa deıin jáne aktsııa úshin 2,13-ten 2,75 AQSh dollarǵa deıin belgilendi. ǴDQ men aktsııa úshin usynystyń túpkilikti baǵasy ornalastyrýdyń baǵa dıapazonynda bolady. ǴDQ bazalyq aktıvi kompanııanyń jaı aktsııalary bolady, bul rette bir ǴDQ bazalyq aktıvi - 4 (tórt) aktsııa. Aktsııanyń túpkilikti baǵasy teńgemen belgilenedi jáne baǵa jarııalanǵan kúnniń aldyndaǵy kúni qoldanysta bolatyn Qazaqstan Ulttyq bankiniń (ary qaraı – «QUB») resmı baǵamy boıynsha 4 (tórtke) bólingen jáne teńgemen aıyrbastalǵan ǴDQ úshin túpkilikti baǵaǵa teń. KASE jáne AIX aktsııalaryna ınvestorlardyń ótinimderi teńgemen berilýge tıis.