«Air Arabia» áýe kompanııasy ákimshilik jaýapkershilikke tartyldy

ASTANA. QazAqparat – «Air Arabia» áýe kompanııasy ákimshilik jaýapkershilikke tartyldy. Bul týraly QazAqparat Azamattyq avıatsııa komıtetine silteme jasap habarlaıdy.

«Air Arabia» áýekompanııasy Almaty-Shardja baǵyty boıynsha reıs keshiktirilgen kezde QR qoldanystaǵy zańnamasynda kózdelgen qyzmetterdi (alkogolsiz sýsyndardy) usynbaǵan. Osyǵan baılanysty kompanııaǵa Ákimshilik quqyq buzýshylyq týraly kodekstiń 567-babyn buzǵany úshin 200 AEK (690 myń teńge) mólsherinde ákimshilik aıyppul salyndy», - delingen habarlamada.