Aıda Balaeva jastardy qoldaýǵa baǵyttalǵan josparymen bólisti
«2025 jylǵa deıin jastardy qoldaýdyń keshendi jospary qabyldandy. Ol 10 baǵyttan turady jáne ár baǵyty jastardyń kókeıkesti máselelerin sheshýge baǵyttalǵan. Onyń ishinde úı alý, jumysqa turý, sonymen qatar jumyspen qamtylmaǵan nemese oqymaıtyn jastar máselesi boıynsha naqty is-sharalar qarastyrylǵan. Jobalyq keńse uıymdastyrylǵan jáne onyń jumysy atalǵan máselelerdi júıelep, sheshýge baǵyttalǵan. Bul máselelerdi zańdy turǵydan da sheshý qajet. Sol sebepti qoldanystaǵy zań jańartýdy talap etedi. Jyldyń basynda barlyq óńirde mınıstrlik kúnderin uıymdastyryp, osy máselelerge qatysty ashyq talqylaýlar ótkizdik. Onda jastardyń ózekti máselelerin sheshýge baǵyttalǵan usynystar aldyq. Olardyń barlyǵy saralanyp, keıbiri zań turǵysynda sheshilse, endi biri josparǵa kirýi múmkin. Eń bastysy – jastar máselesin sheshý, jaǵdaı jasaý», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, «Táýelsizdik urpaqtary» ulttyq jobasy aıasynda jastarǵa qatysty máselelerdiń barlyǵy úılestiriledi ári sheshiledi.
«ıAǵnı, ár baǵyt boıynsha josparda is-sharalar, jumystar kózdelgen. Qoldanystaǵy zańymyzda jastar sanaty 14-ten 29 jasqa deıin dep belgilengen. Qazir jastardyń ómir súrý salty ózgerdi. Sondyqtan aldaǵy ýaqytta qabyldanatyn zańda jastar sanatyn 14-ten 35 jasqa deıin kóterý, úı alýlary úshin arnaıy baǵdarlama ázirleý máselesi kóterilip jatyr. Bul máselelerdiń barlyǵy jastardy qoldaý josparymyz aıasynda júzege asyrylady», - dedi Aıda Balaeva.