Aıda Balaeva Táýelsizdiktiń nyǵaıýyna úles qosqan jastardy atady
«Sanaýly kúnderden keıin elimizdiń eń basty merekesi Táýelsizdik kúnin atap ótemiz. Bıyl elimiz úshin tarıhı máni men mańyzy zor el Táýelsizdiginiń 30 jyldyq mejesin baǵyndyryp otyrmyz. Árıne, búgingi kúnniń jetistigi ońaı kelgen joq. 30 jyldyq damýda, Elbasy aıtqandaı, tabystarmen qatar qıyndyqtar da az bolmady. Degenmen elimizdiń Tuńǵysh Prezıdenti-Elbasynyń kemergerliginiń arqasynda Táýelsiz Qazaqstan óziniń strategııalyq damý baǵytyn der kezinde anyqtady. Sonyń nátıjesinde qıyndyqtardy tez eńserip, damýdyń dańǵyl jolyna tústi. Sondyqtan da búgin Elbasy jáne Táýelsizdik sózderi egiz uǵymdarǵa aınaldy», - degen mınıstr osy jyldar ishinde ozyq oıly, jan-jaqty, bilimdi, talantty ózderińiz sııaqty jas býyn qalyptasqanyn eske saldy.
«Búginde álemde «Qazaqstan qaıda, qandaı el», dep suraıtyndardyń qatary azaıyp kele jatyr. Oǵan túrli saladaǵy jetistikter kýá. Sonyń ishinde elimizdi jahanǵa tanymal etýge ólsheýsiz úles qosyp júrgen talantty jastarymyz jeterlik. Mýzykada Dımash Qudaıbergen, Marııa Mýdrıak, Danelııa Tóleshova, «Gremmı» cyılyǵyn jeńip alǵan Imanbek Zeıkenev, sportta Gennadıı Golovkın, Jánibek Álimhanuly, Danııar Eleýsinov, shahmattan halyqaralyq grossmeıster Jansaıa Ábdimálik, otandyq nanovakınanyń avtorlarynyń biri, jas ǵalym Qaısar Tabyn. Bul tizimdi toqtaýsyz jalǵastyra berýge bolady. Bul sóz joq, Táýelsizdik alǵannan bastap dastar máselesiniń basty nazarda bolyp, el basshylyǵynyń talantty dastarǵa kórsetken turaqty qoldaýynyń jemisi», - dedi Aıda Balaeva.