Aıda Balaeva Sýma Chakrabartımen kezdesti

NUR-SULTAN. QazAqparat - Búgin QR Aqparattyq jáne qoǵamdyq damý mınıstri Aıda Balaeva Qazaqstan Respýblıkasy Prezıdentiniń ekonomıkalyq damý jónindegi keńesshisi ser Sýma Chakrabartımen kezdesti, dep habarlaıdy QazAqparat atalǵan vedomstvonyń baspasóz qyzmetine silteme jasap.

Kezdesý barysynda taraptar mınıstrlik jetekshilik etetin salalardaǵy suraqtardy sóz etti.

Mınıstr aqparattyq saıasat, aqparatqa qol jetimdilik jáne úkimettik emes sektormen ózara is-qımyl salasyndaǵy memlekettik sharalar týraly aıtty. Máselen, Aıda Balaeva qoǵammen keri baılanysty odan ary jaqsartý maqsatynda Mınıstrliktiń strategııalyq sessııalary qazir elimizdiń barlyq aımaqtarynda ótip jatqanyn atap ótti.
Sýma Chakrabartı el ishindegi aqparattyq saıasatty júrgizýdegi erekshelikter men Qazaqstandy shetelde brendteý suraqtaryna qyzyǵýshylyq bildirdi.
Kezdesý sońynda Aıda Balaeva men Sýma Chakrabartı birlesken jumystyń barlyq suraqtary boıynsha turaqty dıalog júrgizip otyrýǵa kelisti.