Aıda Balaeva: Shyǵysqazaqstandyqtar árdaıym izgi bastama kóterip júredi
«Altaı - túrki áleminiń altyn besigi» halyqaralyq ǵylymı-praktıkalyq konferentsııasynyń meımandar delegatsııasyn oblys ákimi Danıal Ahmetov Óskemenniń №46 mektebindegi jańa tehnologııalyq synyptarmen, jaratylystaný ǵylymy men robottehnıka kabınetterimen sonymen qatar ІT-synyptarmen tanystyrdy. Zamanǵa saı jańa kabınetter 1 qyrkúıekte ashylǵan bolatyn.
Osyǵan deıin habarlanǵanyndaı, «Rýhanı jańǵyrý» baǵdarlamasy aıasynda óńirde biregeı «Meniń mektebim» jobasy júzege asyrylyp, sonyń aıasynda 277 mektep Nazarbaev zııatkerlik mektebiniń standarttary boıynsha jańa kabınettermen qamtylǵan bolatyn. ІT-synyptarda 3-11 synyp aralyǵyndaǵy oqýshylarǵa baǵdarlama tilin, robottehnıkany, 3D-modeldeý men mehatronıkany meńgerýge múmkindik beretin arnaıy baǵdarlama daıyndalǵan. Atalmysh mektepte ekskýrsııany oblys ákiminiń orynbasary Ásem Núsipova júrgizdi.
Ásem Núsipovanyń aıtýynsha, 2017-2021 jyldary bilim salasyna oblysta 15 mlrd teńge jumsaý kózdelgen. Respýblıkalyq reestrge enetin jobalardyń qataryna «Bilikti maman», «Rýhanı bilim berý» jáne úshtildilik bilim berýdi engizý jobalary kiredi.
QR Prezıdent Ákimshiliginiń Іshki saıasat bóliminiń meńgerýshisi Aıda Balaeva atalmysh bastamalardyń elimizde eshqandaı balamasy joqtyǵyn, kópqyzmetti ınteraktıvti taqtalary, zamanaýı qurylǵylar men laborotorııaǵa arnalǵan jıhazdary, adamnyń fızıologııalyq protsestegi aǵza qalpyn kórýge bolatyn arnaıy jattyqtyrý zaldary bar balalar men muǵalimderge úlken qyzyǵýshylyqpen qaraýǵa bolatynyn atap ótti.
Aıta keterligi, metkepke barmas buryn delegatsııa olystyq ólketaný mýzeıin aralap shyqty. Ol jerde meımandarǵa sońǵy qazba jumystarynda tabylǵan arheologııalyq muralar kórsetildi. Ásirese, meımandarǵa Tarbaǵataı aýdanynyń Eleke sazynan tabylǵan «Altyn adam» kórsetildi. Ol murany Zeınolla Samashev bastaǵan arheologııalyq top taýyp alǵan edi. Sońǵy qazba muralarynan tabylǵan birneshe kórme «Dala ámirshileriniń altyny» kórmesine biriktirilgen.
Oblystyq ólketaný mýzeıiniń qorynda 180 myńǵa tarta ekspozıtsııalyq materıal bar. Biraq, mýzeı dırektory Svaetlana Nurǵazıevanyń aıtýynsha, olardyń bárin syıǵyzýǵa mýzeı ǵımaratynyń tarlyq etip otyrǵan jaıy bar.
Óz kezeginde Aıda Balaeva «Rýhanı jańǵyrý» baǵdarlamasy aıasynda atqarylǵan aýqymdy jumystardyń bárine joǵary baǵa berdi.
«Shyǵys Qazaqstandaǵy júıeli jumystyń aýqymy tamsandyrmaı qoımaıdy», - deıdi Aıda Balaeva.