Aıda Balaeva: Referendým – Memleket basshysynyń reformalarymen tikeleı baılanysty ózgeristerdiń dáleli

<p>ASTANA. KAZINFORM &ndash; Mádenıet jáne aqparat mınıstri Aıda Balaeva AES qurylysy boıynsha referendým ótkizýge baılanysty aqparattyq naýqanǵa baǵa berip, onyń belsendi júrgizilgenin aıtty.</p>

«Men aqparattyq naýqandy óte belsendi ótti dep sıpattaımyn, óıtkeni atom elektr stantsııasynyń jaqtaýshylary da, qarsylastary da bul máselege qyzyǵýshylyq tanytyp, óz ustanymdaryn túsindirip, dáleldedi. Bári ashyq túrde júrip jatyr. Qazaqstanda ashyq qoǵam qurylǵanyn kórip otyrmyz, onda árkim pikiri men kózqarasyn bildire alady», - dedi Aıda Balaeva BAQ ókilderiniń saýalyna jaýap bere turyp.

Sondaı-aq, vedomstvo basshysy referendým Prezıdent bastamashylyq etken reformalardyń arqasynda bolyp jatqan eldegi úlken ózgeristerdiń jarqyn aıǵaǵy ekenin atap ótti.

«Búgingi referendým - bul bizdiń elimizdegi Memleket basshysynyń reformalarymen tikeleı baılanysty úlken ári túbegeıli ózgeristerdiń dáleli», - dep tolyqtyrdy ol.

Buǵan deıin Aıda Balaeva referendýmda halyq daýsynyń mańyzyna toqtalǵan edi.

Aıta ketsek, Mádenıet jáne aqparat mınıstri Astanada Ulttyq akademııalyq kitaphanada ornalasqan №164 daýys berý ýchaskesinde óz tańdaýyn jasady.