Aıda Balaeva: Otbasy ınstıtýtyna, bala tárbıesi men bilimge erekshe kóńil bólý kerek

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaevanyń qatysýymen onlaın formatta «Rýhanı damý jáne ulttyq dástúrlerdi saqtaý» taqyrybynda dóńgelek ústel otyrysy ótti, dep habarlaıdy QazAqparat.

Otyrysqa QR Parlamenti Májilisiniń depýtaty Berik Ábdiǵalıuly, Qazaqstannyń eńbek sińirgen qaıratkeri Dáýletkereı Kápuly, Qoldanbaly etnosaıası zertteýler ınstıtýtynyń dırektory Talǵat Qalıev, «Nur Otan» partııasy Qoǵamdyq saıasat ınstıtýtynyń dırektory Mádına Nurǵalıeva jáne basqa da ǵylymı jáne shyǵarmashylyq zııaly qaýymnyń, memlekettik organdardyń kórnekti ókilderi, ÚEU basshylary men sarapshylar qatysty.

Mınıstr Aıda Balaeva barlyq shara qatysýshylaryn aldaǵy Naýryz merekesimen quttyqtap, «Táýelsizdik bárinen qymbat» maqalasynda QR Prezıdenti Qasym-Jomart Toqaev ulttyq biregeıliktiń negizin quraıtyn mádenıet pen dástúrlerdi saqtaý qajettiligi týraly aıtqanyn eske saldy.

Osylaısha, mınıstr Prezıdenttiń tapsyrmasy boıynsha Naýryz meıramyn merekeleý Tujyrymdamasynyń jobasy daıyndalǵanyn, oǵan sáıkes merekeniń rýhanı-adamgershilik mazmunyn damytýǵa baǵyttalǵan keshendi is-sharalardy iske asyrý josparlanǵanyn aıtty.

Sondaı-aq, Aıda Balaeva bul sharalar Elbasy – QR Tuńǵysh Prezıdenti Nursultan Nazarbaev ıdeıalyq bastamashysy bolyp tabylatyn «Rýhanı jańǵyrý» baǵdarlamasynyń bir bóligi bolyp tabylatynyn atap ótti.

Dóńgelek ústel qatysýshylary Berik Ábdiǵalıuly, Talǵat Qalıev, Dáýletkereı Kápuly, Mádına Nurǵalıeva, Janar Buqanova, Óte Darhan, Maqsutbek Aıtmaǵanbet jáne basqa da sarapshylar rýhanı damý jáne ulttyq dástúrlerdi saqtaý máseleleri boıynsha óz usynys-pikirlerimen bólisti.

Іs-shara sońynda, aıtylǵan usynystardy qorytyndylaı kele, Aıda Balaeva bilim berý, bala tárbıesi jáne otbasy ınstıtýtyn nyǵaıtý máseleleriniń ózektiligin aıryqsha atap ótti.

Mınıstr búgingi kúngi bala tárbıesine, olardyń oı qalyptastyrýyna – vırtýaldy álemniń, baqylaýdan tys ınternettiń yqpaly óte zor ekenin aıtty.
Osyǵan baılanysty, ol mınıstrlik «Aqyldy urpaq», sondaı-aq básekege qabiletti, jan-jaqty damyǵan jas urpaqty tárbıeleýge baǵyttalǵan «Ulttyq tarbie» jobalaryn iske asyratynyn habarlady.

Dóńgelek ústelge qatysýshylardyń barlyq usynystary men eskertýleri jınaqtalyp, «Rýhanı jańǵyrý» ortalyǵynyń aldaǵy jumysynda eskeriletin bolady.