Aıda Balaeva onlaın-petıtsııa ınstıtýtyn engizý týraly aıtty
«Qazaqstanda qoǵam ókilderi onlaın-petıtsııa ınstıtýtyn zańnamalyq turǵyda bekitý bastamasyn buǵan deıin birneshe ret kótergen bolatyn. Elimizde ol ınstıtýt jumysyn bastaý úshin onlaın-petıtsııalar boıynsha platformany ázirleý kerek. Biraq eń bastysy qajetti normatıvti-quqyqtyq baza bolýy tıis. Osyǵan baılanysty qazirgi ýaqytta biz zańnamaǵa engiziletin túzetýler paketin ázirleýdemiz», - dedi Aıda Balaeva Prezıdenttik jastar kadrlyq rezervindegi azamattarmen kezdesý barysynda.
Mınıstrdiń aıtýynsha eń aldymen petıtsııa degenniń ne ekenin aldymen túsindirip alý kerek.
«Ekinshiden petıtsııa jiberý, memlekettik organdardyń petıtsııalardy moderatsııalaý men qaraý tártibin rettegen abzal. Úshinshiden memlekettik organdardyń petıtsııany mindetti túrde qaraýy úshin qansha adam oǵan qol qoıýýy kerektigin aıqyndap alǵan jón», - dedi Aıda Balaeva.
Eske sala ketsek búgin elordada Prezıdenttik kadrlyq rezervtegi jastar birqatar mınıstrmen kezdesý ótkizdi. Naqtyraq aıtqanda iriktelip, rezervke engen jastarmen kezdesýge Aqparat jáne qoǵamdyq damý mınıstri Aıda Balaeva, Tsıfrlyq damý, ınnovatsııalar men aeroǵarysh ónerkásibi mınıstri Baǵdat Mýsın, Prezıdent ákimshiligi basshysynyń orynbasary Málik Myrzalın, sondaı Prezıdenttiń kómekshisi Erlan Qarın shaqyrylǵan. Basqosýdyń basty maqsaty – Prezıdent Joldaýyn talqylap, aldaǵy ýaqytta Prezıdenttik jastar kadrlyq rezervin damytyp, júzege asyrýdy josparlaý.