Aıda Balaeva mınıstrlikti sotqa bergen jýrnalıster týraly pikir bildirdi

<p>ASTANA. KAZINFORM &ndash; Mádenıet jáne aqparat mınıstri Aıda Balaeva &laquo;Kazahstanskaıa pravda&raquo; gazetine bergen suhbatynda ózi basqaryp otyrǵan vedomstvony sotqa bergen bir top jýrnalıst týraly pikir bildirdi.</p>

- Meniń sot sheshimine pikir bildirýge haqym joq. Biraq sheshim shyǵarǵan kezde taraptardyń búkil dáleli men ýáji eskerilgenine senimdimin. Zań normasymen kelispegen jaǵdaıda sotqa berý – búkil álemde qoldanylyp júrgen órkenıetti tásil. Siz aıtyp otyrǵan tıptik erejelerdi ázirlep, bekitken kezde qajetti zańdyq protsedýralar túgel saqtaldy. Ol erejeler Konstıtýtsııamyz kepildik beretin sóz bostandyǵyna tıtteı de qol soǵyp turǵan joq. Bul erejeler bar bolǵany memlekettik organdar men uıymdarda akkerdıttelýdiń tártibin retteıdi. Odan artyq eshteńe emes, - deıdi ol.

A.Balaev BAQ ókilderine mundaı talaptar qoıý búkil álemde bar tájirıbe dep esepteıdi. 

- Qazaqstanda 6 myńdaı buqaralyq aqparat quraly tirkelgen jáne jumys isteıdi. Al talap-aryz bergen 12 jýrnalıst bizdiń vedomstvony ǵana emes basqa da memlekettik organdardy júıeli túrde synap júr. Memlekettik sóz bostandyǵy joq dep synap júrgen de solar. Biraq olardyń úzdiksiz syny, sheneýnikterge qarsy ashyq heıti, tipti siz aıtyp otyrǵan talap-aryz da qazir bizde naǵyz sóz bostandyǵy bar ekenine aıǵaq bolyp otyrǵan joq pa, - dep jaýap bergen mınıstr.