Aıda Balaeva: Memleket otbasy isine tek balanyń ómirine qater tóngen jaǵdaıda ǵana aralasady

<p>ASTANA. KAZINFORM &mdash; Mádenıet jáne aqparat mınıstri Aıda Balaeva &laquo;Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgertýler men tolyqtyrýlar engizý týraly&raquo; jáne &laquo;Qazaqstan Respýblıkasy Ákimshilik quqyq buzýshylyq týraly kodeksine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly&raquo; qabyldanǵan Zańdaryna qatysty beıne úndeý jasady.</p>

Mádenıet jáne aqparat mınıstri Aıda Balaeva Facebook áleýmettik jelisindegi paraqashasynda zańnyń mańyzdy tustaryna toqtala kele, balalardy otbasynan ajyratý týraly birde-bir norma joq ekenin basa aıtty. 

«Osyǵan qatysty alyp-qashpa áńgimeniń bári jalǵan», — dedi Aıda Balaeva beıne úndeýinde.  

Onyń aıtýynsha, memlekettiń bul baǵyttaǵy saıasaty — otbasyn saqtap qalý, balanyń otbasynda ósýin qamtamassyz etý.  

«Memleket otbasy isine tek balanyń ómiri men densaýlyǵyna qater tóngen jaǵdaıda ǵana aralasyp, bala quqyǵyn qorǵaıdy. Ana men bala olardyń admı quqyǵy barshamyz úshin eń mańyzdy basymdyq bolýy shart», - dedi mınıstr. 

Eske sala keteıik, búgin Prezıdent áıel quqyǵy men balalardyń qaýipsizdigin qamtamasyz etetin zańdarǵa qol qoıdy.