Aıda Balaeva Qostanaı oblysyna jumys saparymen bardy

QOSTANAI. QazAqparat – Búgin Aqparat jáne qoǵamdyq damý mınıstri Aıda Balaeva jáne Qostanaı oblysynyń ákimi Arhımed Muhambetov Qostanaı oblystyq radıo jáne televızııa dırektsııasynyń 60-jyldyǵyna arnalǵan saltanatty sharasyna qatysty. Bul týraly QazAqparat mınıstrlikke silteme jasap habarlaıdy.

Mınıstr bul shara Qazaqstan Táýelsizdiginiń 30 jyldyǵy aıasynda ótip jatqandyǵyn jáne onyń mańyzdylyǵyn atap ótti.

Aıda Ǵalymqyzy Qostanaı oblystyq radıo jáne televızııa dırektsııasynyń ardagerlerin jáne jumyskerlerin qurmet gramotalary, alǵys hattarmen marapattady.

«Teleradıohabar taratýdyń zamanaýı ınfraqurylymyn jasaý mınıstrlik pen «Qazteleradıo» ulttyq operatorynyń negizgi mindetteriniń biri bolyp tabylady« - dedi mınıstr.

Mınıstr pandemııa kezinde tsıfrlyq álemniń jyldam damýyna baılanysty bul kompanııanyń odan ári damyp, zamanǵa saı bolý qajettiligin atap ótti.

Budan basqa A. Balaeva jumys sapary barysynda Qostanaı oblysynyń BAQ bas redaktorlarymen kezdesip, Óńirlik jastar ortalyǵynyń jumysymen tanysty.