Aıda Balaeva: Qajet ózgeristerdiń ýaqyty keldi

NUR-SULTAN. QazAqparat - Almaty qalasyndaǵy respýblıkalyq Dostyq úıindeQazaqstan Respýblıkasy Prezıdenti Ákimshiligi Basshysynyń orynbasary Aıda Balaevanyńrespýblıkalyq etnomádenı birlestikterdiń basshylarymen jáne Qazaqstan halqy Assambleıasynyń qoǵamdyq qurylymdarynyń aktıvimen kezdesýi ótti.

Jumysqa QHA Tóraǵasynyń orynbasary – Hatshylyq meńgerýshisi M.Ázilhanov qatysty.

Jumys barysynda A.Balaeva Assambleıanyń qańtar oqıǵalary kúnderi júrgizgen jumysyna oń baǵa berdi, sondaı-aq Qazaqstan Prezıdenti Q.K.Toqaevtyń sońǵy sóılegen sózderinde qoıylǵan mindetterge egjeı-tegjeıli toqtaldy.

Prezıdent Ákimshiligi Basshysynyń orynbasary óz sózinde «búgin basty nazarda – «Jańa Qazaqstandy birge quraıyq!» degen ortaq ıdeıamen biriktirilgen jasampaz kún tártibiniń turǵanyn»,- atap ótti.

A.Balaeva «Memleket basshysy áleýmettik-ekonomıkalyq jáne qoǵamdyq-saıası salalarda alda turǵan jumystyń negizgi basymdyqtaryn naqty belgilep berdi, sondaı-aq «qoǵamda túıtkildi problemalardy sheshý joldarynyń aıqyn kórýin» atap ótti.

Onyń aıtýynsha, «Nur Otan partııasynyń sezi kókeıkesti ózgeristerdiń ýaqyty kelgenin, eldi jan-jaqty jańǵyrtýdyń aýqymdy kún tártibiniń turǵanyn aıqyn kórsetti».

Osy oraıda ol Qazaqstan halqy Assambleıasynyń mindetterine naqty toqtalyp, «Jańa Qazaqstandy birge quraıyq!» ıdeıasynyń Assambleıa úshin baǵdarlamalyq sıpatqa ıe ekenin basa aıtty.

Kezdesý barysynda Assambleıanyń aldaǵy is-sharalarynyń daıyndyq máseleleri talqylandy, Memleket basshysynyń QHA-nyń barlyq qurylymdarynda qoǵamdyq kelisim men birlikti nyǵaıtý jónindegi tapsyrmalaryn iske asyrý boıynsha úılesimdi jumys júrgizý qajettigi atap ótildi.