Aıda Balaeva Qazaqtelekomnyń jańa baǵdarlamasyna baǵa berdi

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva «Qazaqtelekom» AQ-nyń túbegeıli jańa televızııalyq platforma qurý jónindegi jańa jobasyna baǵa berdi, dep habarlaıdy QazAqparat tilshisi.

«Jańa televızııalyq platformanyń ashylýy – otandyq medıa saladaǵy aıtýly oqıǵa. Qoǵamǵa sapaly ári ashyq aqparat jetkizý – bizdiń qyzmet salasyndaǵy basty mindetterdiń biri. Sonyń ishinde ásirese, jańa tele-platformanyń memlekettik tilge basymdyq beretini kóńil qýantady. Sondaı-aq, jańa bastama – otandyq medıa salasynyń básekege qabiletin odan ary arttyrýǵa úlken serpin beredi dep senemin», - dedi mınıstr «Qazaqtelekom» kompanııasynyń «TV+» tuǵyrnamasyn tanystyrýǵa arnalǵan is-shara barysynda.

Bul oraıda, Aıda Balaeva osy jańa jobaǵa bastama kóterip, onyń iske asýyn qamtamasyz etip otyrǵan – «Samruq-Qazyna» Ál-aýqat qory men «Kazaqtelekom» kompanııasyna alǵysyn bildirdi.

«TV+» jańa teleplatformasy otandyq medıa naryǵyn damytý katalızatorlarynyń biri ǵana bolyp qalmaı, jas talantty avtorlardy elimizde jańa, barynsha sapaly kontent jasaý úshin únemi jumys isteýge yntalandyrady dep senemiz. Al olardyń kúsh-jigeriniń nátıjesi men kórsetkishi joǵary kórermen reıtıngi bolsyn», - dedi ol.

Sonymen qatar ol Aqparat jáne qoǵamdyq damý mınıstrligi aldaǵy ýaqytta seriktestik jumysqa daıyn ekendigin atap ótti.