Aıda Balaeva «Facebook» kompanııasynyń birlesken málimdemeni teriske shyǵarýyna túsinik berdi
««Facebook» kompanııasynyń birikken málimdemeni teriske shyǵarýyna qatysty
buqaralyq aqparat quraldarynda «Meta» («Facebook») kompanııasynyń Azııa-Tynyq muhıty aımaǵy boıynsha Óńirlik keńsesiniń kommýnıkatsııalar jónindegi dırektory Ben MakKonehı myrzanyń (Ben McConaghy) teriske shyǵarǵan málimdemesine baılanysty Qazaqstan Respýblıkasy Aqparat jáne qoǵamdyq damý mınıstrligi kelesini habarlaıdy. Aqparat jáne qoǵamdyq damý mınıstrligi negizgi kelissózderdi Gonkong qalasynda ornalasqan Qytaı, Mońǵolııa jáne Ortalyq Azııa óńiri boıynsha «Meta» («Facebook») kompanııasynyń óńirlik ofısimen júrgizdi.
1 qarashada jarııalanǵan birikken málimdemeniń mátini men onyń BAQ-da jarııalanýy atalǵan aımaqtyq keńseniń basshylyǵymen tolyqtaı kelisilgen bolatyn», - dep jazdy A.Balaeva Facebook-tegi paraqshasynda.
Eske salaıyq, keshe QR Aqparat jáne qoǵamdyq damý mınıstrligi
ınternettegi zııandy kontentke qarsy is-qımyl máseleleri boıynsha Facebook-pen tyǵyz yntymaqtastyq týraly kelisimge kelgenin málim etken bolatyn.
«Qazaqstan Respýblıkasynyń Úkimetine aqparattyq keńistiktiń qaýipsizdigin arttyrý máselesin sheshýge kómek kórsetý maqsatynda Facebook Qazaqstanǵa ishki «Kontentti habarlaý júıesine» («Content Reporting System» (CRS)) tikeleı eksklıýzıvti qoljetimdilik berdi.
CRS mınıstrlikke Facebook jahandyq kontenttik saıasatynyń da, Qazaqstan Respýblıkasynyń ulttyq zańnamasynyń da buzýshylyqtary bar kontent týraly jedel habarlaýǵa múmkindik beredi.
Qazaqstan Ortalyq Azııada kontenttik saıasatqa jaýap beretin Facebook kompanııasynyń halyqaralyq komandasymen tikeleı baılanys arnasyna jáne júıege qosylǵan alǵashqy el bolyp tabylady», - delingen edi mınıstrlik málimetinde.