Aıda Balaeva: Elimizdegi ǵylymı jobalarǵa suranys naryǵyn qurý kerek
Shara QR Bilim jáne ǵylym mınıstrliginiń, jas ǵalymdardyń, Ulybrıtanııadaǵy qazaqstandyq doktoranttar qaýymdastyǵynyń, Qazaqstan Respýblıkasynyń Ulybrıtanııadaǵy Elshiliginiń uıymdastyrýymen ótti.
Forým maqsaty - ıdeıalar men jobalardy ilgeriletý úshin jas ǵalymdardy biriktirý, áleýetti ınvestorlarmen jáne seriktestermen baılanystardy ornatý.
QR Prezıdenti Ákimshiligi ishki saıasat bóliminiń meńgerýshisi Aıda Balaevanyń sózine qaraǵanda, úzdik álemdik bilim men tájirıbe alǵan qazaqstandyq jas ǵalymdardyń birigýi óte durys qadam. Osy oraıda elimizde ǵylymı jobalarǵa suranys naryǵynyń qurylýy ońtaıly bolady.
Sonymen qatar ol bul máselede qazaqstandyq bıznes-qoǵamdastyqtyń qoldaýy mańyzdy ekenin atap ótti. Osy oraıda bıznes tarapy otandyq ǵalymdardyń áleýetti jobalary týraly egjeı-tegjeıli habardar bolǵany abzal.
«Sondyqtan sizderdiń bıznespen ózara is-qımyldyń ońtaıly tájirıbesi elimizdiń barsha jas ǵalymdaryn ortaq tuǵyrnamada biriktirýge jáne ǵylym men bıznestiń konstrýktıvti dıalogyn iske qosýǵa kómektesýine tilektespin», - dedi A. Balaeva.