Aıda Balaeva BUU-nyń Qazaqstandaǵy Turaqty úılestirýshisimen kezdesti

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaeva BUU-nyń QR-daǵy Turaqty úılestirýshisi Mıkaela Frıberg-Storımen kezdesti. Bul týraly QazAqparat mınıstrlikke silteme jasap habarlaıdy.

Áńgimelesý barysynda A.Balaeva BUU-nyń Qazaqstandaǵy Turaqty úılestirýshisin Mınıstrliktiń jetekshilik etetin salalary boıynsha júrgizilip jatqan jumystar týraly habardar etti.

Óz kezeginde Mıkaela Frıberg-Storı Mınıstrliktiń jumysyna oń baǵa berip, BUU-nyń 27 agenttiginiń atynan birlesken jumysqa qoldaý kórsetýge daıyn ekenin bildirdi. Sonymen qatar, ol Qazaqstannyń BUU-ǵa kirýiniń 30 jyldyǵyn merekeleý jónindegi is-sharalarǵa daıyndyq barysy týraly habarlady.

Kezdesý qorytyndysy boıynsha taraptar jemisti ózara is-qımylǵa, onyń ishinde birlesken jobalardy iske asyrýǵa ózara yqylasyn maquldady.