Aıda Balaeva BQO ıntellıgentsııasymen, belsendi jastarmen kezdesti

ORAL. QazAqparat - Aqparat jáne qoǵamdyq damý mınıstri Aıda Balaeva Memleket basshysy Qasym-Jomart Toqaevtyń «Halyq birligi jáne júıeli reformalar — el órkendeýiniń berik negizi» Joldaýyn iske asyrý aıasynda jumys saparymen Batys Qazaqstan oblysyna bardy, dep habarlaıdy QazAqparat.

«Mınıstr ákimdik aktıvimen kezdesýde memleket pen qoǵamnyń damýy ortalyq memlekettik jáne jergilikti atqarýshy organdardyń azamattyq qoǵammen, ǵylymı jáne shyǵarmashylyq ıntellıgentsııamen, jastarmen tıimdi ózara is-qımylyna tikeleı baılanysty ekenin atap ótti», - delingen mınıstrlik aqparatynda.

Sonymen qatar, A.Balaeva mınıstrlik pen oblys ákimdiginiń birlesken jumysynyń negizgi baǵyttaryna basa nazar aýdaryp, óńirdiń qoǵamdyq-saıası jaǵdaıy salasyndaǵy ózekti máselelerdi atap ótti, jumysty odan ári jalǵastyrý boıynsha usynystar berdi.«Sapar baǵdarlamasynyń mańyzdy bóligi mınıstrdiń oblystyń Qoǵamdyq keńesiniń múshelerimen jáne shyǵarmashylyq zııaly qaýym ókilderimen kezdesýleri boldy. Atalǵan kezdesýler barysynda aǵymdaǵy jyldyń qańtar aıynda «Qoǵamdyq keńester týraly» Zańǵa engizilgen zańnamalyq túzetýlerdi iske asyrý, sondaı-aq «Rýhanı jańǵyrý» baǵdarlamasynyń jol kartasyn iske asyrý sııaqty mańyzdy máseleler talqylandy», - delingen mınıstrlik málimetinde.

Budan bólek, Aqparat jáne qoǵamdyq damý mınıstri Aıda Balaeva jumys sapary aıasynda oblystyń belsendi jastarymen kezdesti, Mahambet ýnıversıtetiniń, Oqýshylar saraıynyń jumysymen tanysty, «Atameken» óner ordasynyń» saltanatty ashylýyna qatysty.