Aıda Balaeva Azamattyq Alıans prezıdentimen kezdesti

NUR-SULTAN. QazAqparat – 15 mamyrda Aqparat jáne qoǵamdyq damý mınıstri Aıda Balaeva «Qazaqstannyń Azamattyq alıansy» zańdy tulǵalar birlestigi prezıdenti Asylbek Qojahmetovpen kezdesti, dep habarlaıdy QazAqparat mınıstrliktiń baspasóz qyzmetine silteme jasap.

Kezdesý barysynda Qazaqstannyń Azamattyq alıansy strategııalyq damýynyń basym baǵyttary, memlekettik organdardyń ÚEU-men ózara is-qımyly men yntymaqtastyǵyn jandandyrý, azamattyq qoǵamnyń damý bolashaǵy, IX Qazaqstan Azamattyq forýmyn uıymdastyrý jáne basqa da ózekti máseleler talqylandy.

«Memleket basshysy Qasym-Jomart Toqaev saılaýaldy baǵdarlamasynda qoǵamdyq dıalogty nyǵaıtýdyń jáne «Halyq únine qulaq asatyn memleket» tujyrymdamasyn júzege asyrýdyń mańyzdylyǵyn atap ótti. Osy jaǵdaıda Azamattyq alıans pen onyń quramyna kiretin uıymdar bizge belsendi qoldaý bildiredi dep senemiz», - dep atap ótti Aıda Balaeva.

Kezdesý qorytyndysy boıynsha memlekettik organdar men azamattyq qoǵam arasyndaǵy qoǵamdyq dıalog pen júıeli kommýnıkatsııany damytý boıynsha ózara is-qımyldyń negizgi baǵyttary aıqyndaldy.