AI -95 benzıniniń 40 myń tonna qory bar – mınıstrlik

NUR-SULTAN. QazAqparat – Elimizde aı saıyn 70 myń tonna AI-95 markaly benzıni qoldanylady, dep habarlaıdy QazAqparat Energetıka mınıstrliginiń baspasóz qyzmetine silteme jasap.

«Qazir elimizde AI-95 qory 40 myń tonna, aı saıynǵy tutyný kólemi 70 myń tonnany quraıdy», - degen habar taratty mınıstrliktiń baspasóz qyzmeti.

Aqparatta aıtylǵandaı búginde Nur-Sultan qalasyndaǵy benzın qory 16 kúnge jetedi.

«Eger janar-jaǵarmaı quıý beketinde benzın satýǵa qatysty shekteý bolsa, onyń mán-jaıyn sol jerden suraý kerek», - deıdi vedomstvodan.

Aıta ketsek, elimizde energetıka salasyn zerdeleıtin resmı aqparat arnasy iske qosyldy.

Sondaı-aq, elektr energetıkasy týraly zańǵa ózgerister engizildi .

Memleket basshysy 30 maýsym kúni «Qazaqstan Respýblıkasynyń keıbir zańnamalyq aktilerine elektr energetıkasy, energııa únemdeý jáne energııa tıimdiligin arttyrý, jer qoınaýyn paıdalaný, jergilikti memlekettik basqarý, memlekettik shekara, turǵyn úı-kommýnaldyq sharýashylyq jáne ǵylym máseleleri boıynsha ózgerister men tolyqtyrýlar engizý týraly» Zańǵa qol qoıdy.