AI-95 benzıniniń 21 kúnge jetetin qory bar - Energetıka mınıstrligi

Elimizde AI-95 benzıniniń 21 kúnge jetkilikti qory bar. Bul týraly Energetıka mınıstrliginen málim etti, dep habarlaıdy QazAqparat tilshisi.

«Halyq jıi tutynatyn AI-92 benzıniniń shekti baǵasy lıtrine 205 teńgeden aspaıdy. Al AI-95 benzınine qatysty memlekettik retteý qoldanylmaıdy. Soǵan oraı, baǵa naryqtaǵy suranys pen usynys negizinde aıqyndalady. Bul rette elimizdegi AI-95 benzıniniń jıyntyq qory (munaı bazalary men munaı óńdeý zaýyttaryndaǵy, joldaǵy jáne ımport) jetkilikti - 57 myń tonna. Bul elimizdiń 21 kúndik qajettiligin qamtamasyz etedi», - dep atap ótedi mınıstrlikten.

Vedomstvo málimetinshe, AI-92 benzıniniń qory da elimizde jetkilikti. Benzınniń bul túrleri qor ustaýshylardyń ótinimine jáne óndiris kólemine baılanysty tolyqtyrylyp otyrady.