AI-92 benzıniniń baǵasyn tómendetý mindeti turǵan joq – Energetıka mınıstri

ASTANA. QazAqparat – QR Energetıka mınıstri Bolat Aqsholaqov «Qazaqstannyń janar-jaǵarmaı quıý beketterinde AI-92 benzıni nege arzandamaıdy?» degen suraqqa jaýap berdi, dep habarlaıdy QazAqparat tilshisi.

«Kerisinshe, biz AI-92 markaly benzın baǵasynyń turaqtylyǵyn ustap turmyz. Qazirgi mindet – sol baǵany saqtap qalý. AI-92 baǵasy 182 teńgeden bastap, keıbir óńirler 187 teńgege belgileýge májbúr boldy. Sebebin túsindireıin. Mysaly, ShQO, bul óńir munaı óńdeý zaýyttarynan shalǵaı ornalasqan. ıAǵnı benzındi jetkizý tek avtovozdarmen júzege asyrylady. Temirjol qatynasy joq. Sondyqtan jekelegen óńirlerde AI-92 benzıni baǵasyn 187 teńgege deıin kóterýge kelistik», - dedi Bolat Aqsholaqov Ortalyq kommýnıkatsııalar qyzmeti alańynda ótken baspasóz máslıhatynda.

Mınıstrdiń aıtýynsha, búginde atalǵan benzın markasynyń baǵasyn tómendetý mindeti turǵan joq.

«Endigi másele – osy baǵany saqtap qalý. Bizde keıbir eldermen salystyrǵanda baǵa aıyrmashylyǵy 100 teńge jáne odan joǵarylaǵanyn eskersek, onyń ústine baǵany tómendetetin bolsaq, onda dızel otyny boıynsha tapshylyq týyndaıdy. Sondyqtan baǵa ósip jatqanda ony tómendetý belgili bir táýekelke ákelýi múmkin», - deıdi ol.

Buǵan deıin Energetıka mınıstri «tarıfti ınvestıtsııaǵa aıyrbastaý» jobasy týraly aıtyp bergen edi.