Ahmetjan Esimov pen Ómirzaq Shókeev yntymaqtastyq týraly memorandýmǵa qol qoıdy
Olar aldymen qor qarjylandyrýymen kúrdeli jóndeýden ótken «Aqnur» balabaqshasynda bolyp, balalarmen tildesti. 65 jyl buryn kirpishi qalanǵan ǵımaratqa apat kezinde zaqymdanǵan. Budan keıin batyrlar Alleıasyn jaıaý aralap ótip, Arys qalasynyń aqsaqaldarymen kezdesti. Jergilikti qarııalar óz rızashylyqtaryn bildirip, aq batalaryn berdi.
«Qurylys sapasyn tutynýshy biler. Bastysy – halyq rızashylyǵy. Osynyń bári tirliktiń kózin taýyp, basqaryp otyrǵan basshylaryńyzdyń arqasynda», – dedi «Samuryq-Qazyna» UÁQ» AQ Basqarma tóraǵasy Ahmetjan Esimov Arys aqsaqaldarymen kezdesý kezinde.
Sondaı-aq, Ómirzaq Shókeev pen Ahmetjan Esimov tolyqtaı jańartylǵan temirjol vokzalynda bolyp, kúrdeli jóndeýjumystaryn tekserdi. Arystyqtar aımaq basshysy Ómirzaq Shókeev pen «Samuryq-Qazyna» UÁQ» AQ Basqarma tóraǵasyn 1200 oryndyq jańa stadıonda ótetin dop dodasynda qarsy aldy. Ómirzaq Shókeev pen Ahmetjan Esimov jas sportshylarmen birge fýtbol alańynda dop teýip, oıyndy ashyp berdi.
Aıta ketý kerek, «Samuryq-Qazyna» Ál-aýqat qory qaladaǵy 68 nysandy qalpyna keltirýge qol ushyn sozyp, 53 bilim berý nysany, 8 densaýlyq saqtaý, 4 sport, 3 qoǵamdyq oryn nysandaryn tolyq jóndeýden ótkizdi. 16 mektep jańa jıhazben qamtamasyz etildi. Búginde 64 nysan el ıgiligine berildi. Taǵy 4 nysannyń qurylysy júrip jatyr. Túrkistan qalasyndaǵy 7 áleýmettik joba da qor qoldaýynda. Olardyń qurylysymen tanysqan «Samuryq-Qazyna» AQ Basqarma tóraǵasy, Oqýshylar saraıy, 7000 oryndyq stadıon, Kongress ortalyǵy, Q.A.ıAsaýı murajaıy men amfıteatrda boldy.
Ahmetjan Esimov pen oblys ákimi Ómirzaq Shókeev yntymaqtastyq týraly memorandýmǵa qol qoıdy. Oǵan Túrkistan oblysyn gazdandyrý, energetıka kesheni men elektrondyq saýda men poshta jelisin damytý, aqparattyq-kommýnıkatsııalyq ınfraqurylymdy damytý, Smart City jobasyn damytý jáne oblysta áleýmettik nysandardy salý sııaqty 9 baǵyt kiredi. Joba aqyldy qala (Smart City) Arys jáne Túrkistan qalalaryn servıstik úlgi boıynsha damytýǵa arnalǵan. Osy baǵdarlama aıasynda Qor Túrkistan oblysyndaǵy 97 mektep pen aýrýhanaǵa deıin talshyqty-optıalyq baılanys jelisin jáne radıojelilerdi salýdy jáne Arys qalasyndaǵy 12 mektepte, 2 aýrýhanada, 2 balabaqshada 400 beınebaqylaý kameralaryn jáne 50 WiFi núktesin uıymdastyrýdy qamtamasyz etedi. Budan basqa, óńirdegi energetıkalyq keshenniń damý taqyryby sóz boldy. Jaqyn ýaqytta qýaty 220kV jańa qosalqy stantsııanyń qurylysy júzege aspaq, oǵan kerneýi 110 kV jergilikti taratý elektr jelisi qosylatyn bolady.
«Bul daıyndalǵan memorandým aldaǵy ýaqytta óńirdiń áleýmettik-ekonomıkalyq damýyna jáne halyqtyń ál-aýqatyn kóterýge óz septigin tıgizedi dep senemiz», – dep atap ótti Ómirzaq Shókeev.
Memorandýmnyń basym bóligi satyp alý máselesine, atap aıtqanda ımport almastyrý jáne jergilikti qamtýdy damytýǵa arnaldy. Qor uzaqmerzimdi kelisimsharttar jasasý arqyly Túrkistan oblysynda jańa óndiristerdi qurýdy kózdeıtin jobalarǵa qoldaý kórsetedi. Ákimdik óz tarapynan jańa óndirister qurý boıynsha jobalardy irikteýdi qamtamasyz etedi. Sonymen qatar, taraptar Túrkistan oblysynyń áleýmettik salasynyń máselelerin talqylady. Qor BTsP bar balalardy ońaltý baǵyty boıynsha áleýmettik máselelerdi sheshýge, ınkıýzııany qoldaý kabınetterin materıaldyq-tehnıkalyq jaraqtandyrýǵa, salaýatty ómir salty men sportty tanymal etýge 7100-den astam adam qarjylaı qoldaý kórsetedi. Sóz sońynda Túrkistan oblysynyń ákimi Ómirzaq Shókeev «Samuryq-Qazyna» qoryna aımaqtyń damýyna qoldaý kórsetkeni úshin alǵysyn bildirdi.