Ahmetjan Esimov pen Baqytjan Saǵyntaev yntymaqtastyq týraly memorandýmǵa qol qoıdy
Kezdesý barysynda «Samuryq-Qazyna» UÁQ AQ men Almaty ákimdigi Energetıkalyq, aqparattyq-kommýnıkatsııalyq, áleýmettik salalardaǵy jobalardy iske asyrý jónindegi yntymaqtastyq týraly memorandýmǵa qol qoıdy.
Memorandým energetıka keshenin, elektrondyq saýda men poshta jelisin, aqparattyq-kommýnıkatsııalyq ınfraqurylymdy, ımport almastyrýdy jáne jergilikti qamtýdy damytý, sondaı-aq Almaty kásipkerlerine Qor tobynyń satyp alýlaryna qatysý sııaqty baǵyttardy qamtıdy.
Qor basshysy ımport almastyrýdy jáne jergilikti qamtýdy damytý maqsatynda Almaty qalasynda jańa óndirister qurý boıynsha jobalardy irikteýdi júrgizetinin atap ótti.
«Biz Qazaqstanda óndirilmeıtin taýarlarǵa zertteý júrgizemiz jáne eger ınvestor óndiristi iske qossa, biz satyp alýdy qamtamasyz etemiz. Qor osyndaı jobalardy qoldaýdy offteık kelisimsharttarǵa qol qoıý arqyly júzege asyrdy, ıaǵnı bul aldyn ala tólem jasaý arqyly uzaq merzimdi tapsyrystar mehanızmi arqyly júrgiziledi»,- dedi Qordyń Basqarma tóraǵasy Ahmetjan Esimov.
Almatyda uıaly baılanys qyzmetiniń sapasyn jaqsartý sheńberinde «Samuryq Qazyna» qory 2019-2020 jyldary 2G/3G/4G standartynyń 63 bazalyq stantsııasyn jáne 2021 jylǵa qaraı 5G standartynyń ilki jobasyn iske qosýdy qamtamasyz etýge yntaly bolyp otyr.
«Memorandým qalanyń bıznes-qoǵamdastyǵynyń qor kompanııalarymen yntymaqtastyǵyn nyǵaıtý boıynsha naqty sharalardy qamtıdy. Bizdiń kásipkerler »Samuryq-Qazyna« UÁQ qajettilikteri úshin joǵary sapaly ónim jetkizýge daıyn. Árıne, baılanystardyń nyǵaıýy Almaty ekonomıkasynyń damýyna jáne almatylyqtardyń ómir súrý sapasyn arttyrýǵa úlken qoldaý kórsetedi»,- dedi Baqytjan Saǵyntaev.
Qujat sondaı-aq jylýmen jáne elektrmen qamtamasyz etý júıelerin perspektıvaly damytýdyń biryńǵaı tehnıkalyq saıasatyn anyqtaýdy, ShOB-ty damytýǵa jáne daryndy jastardy jumyspen qamtýǵa jáne qoldaýǵa járdemdesýdi, utqyr baılanys qyzmetteriniń sapasyn jaqsartýdy jáne ınternet jelisine sapasy joǵary jyldamdyqqa qoljetimdilikti qamtamasyz etýdi kózdeıdi.
Sonymen qatar, taraptar tabıǵı gazdy motorly otyn retinde paıdalanýdy keńeıtýde, áleýmettik sala máselelerin sheshýde, Almaty qalasyn «Aqyldy qala» retinde damytý jónindegi sharalardy qoldanýda, sondaı-aq turǵyn úı kommýnaldyq sharýashylyǵyn avtomattandyrýda jáne qala qaýipsizdiginiń monıtorıngin qamtamasyz etýde yntymaqtasatyn bolady.
Memorandýmǵa sáıkes áleýmettik sala máselelerin sheshýde áleýmettik jetimdiktiń aldyn alý, aýtızmdi dári-dármeksiz túzetý, balalardy otbasyna ornalastyrýǵa zańdy túrde qoldaý kórsetý, sport pen salaýatty ómir saltyn nasıhattaý, túzeti mektepteri men balabaqshalaryn, pallıatıvtik kómek aýrýhanalaryn, týberkýlezge qarsy dıspanserlerdi materıaldyq-tehnıkalyq jaraqtandyrý baǵyttary boıynsha máseleleri sheshiletin bolady.