Ahmet Baıtursynulynyń róline onlaın kastıng jarııalanady
09:57, 09 Aqpan 2021
NUR-SULTAN. QazAqparat – Ahmet Baıtursynulynyń róline onlaın kastıng jarııalanady, dep habarlady «Qazaqstan» Ulttyq telearnasynyń baspasóz hatshysy Aıdyn Dúısenbaıqyzy Facebook-tegi paraqshasynda.
«Qazaqstan Ulttyq Telearnasy Ahmet Baıtursynuly týraly túsiriletin tarıhı telehıkaıa akterlerine kastıng jarııalaıdy. Ahmet Baıtursynulynyń 25-35 jáne 45-65 jas shamasyndaǵy kezin somdaýǵa basty ról akterlerine onlaın irikteý júrgiziledi. Úmitkerler ózi týraly aqparatty (foto, vıdeo) 2021 jylǵy 1 sáýirge deıin casting@qazaqstan.tv elektrondy poshtasyna joldaýy tıis « delingen habarlamada .
Málimetke saı, memleket qaıratkeri, aǵartýshy A.Baıtursynulynyń ómiri men ultqa sińirgen eńbegin baıandaıtyn tarıhı telehıkaıa bıyl efırge shyǵady dep josparlanǵan.
Onlaın kastıngke qatysýshylar úshin qosymsha baılanys nómiri: +7 706 408 5868.