Ahmet Baıtursynulynyń eńbek joly ıÝNESKO mandatymen sabaqtasyp jatyr - Krısta Pıkkat

NUR-SULTAN. QazAqparat – ıÝNESKO-nyń Almatydaǵy bıýrosynyń dırektory, Qazaqstandaǵy, Qyrǵyzstandaǵy jáne Tájikstandaǵy ıÝNESKO ókili Krısta Pıkkat Ahmet Baıtursynulynyń adamzattyń rýhanı álemindegi orny týraly pikir bildirdi, dep habarlaıdy QazAqparat tilshisi.

«Ahmet Baıtursynuly ǵajaıyp ádebıetshi, pedagog, ǵalym bolǵan. Onyń esimi qazaq álipbıine arab grafıkasynyń negizinde jasaǵan reformasymen tanymal. Ol túzgen álipbı qazaq jazýyn shekaradan tys ómir súrip jatqan mıllıondaǵan qazaqtarǵa qoljetimdi etti», - dedi ıÝNESKO ókili.

Sondaı-aq, ol Ahmet Baıtursynuly qazaq lıngvıstıkasy men ádebıettanýynyń negizin qalaýshylardyń biri ekenin atap ótti.

«Ol búkil mansabynda jappaı saýattylyqty damytýdy maqsat etti. A.Baıtursynulynyń aqyn-aýdarmashy retindegi repýtatsııasy da myǵym. Ol orys ádeıetiniń uly shyǵarmalaryn aýdarý arqyly qazaq pen orys halyqtarynyń mádenı dıalogyna jol ashty. Naqty aıtsaq, orys aqyny Ivan Krylovtyń shyǵarmalaryn aýdardy. A.Baıtursynulynyń eńbekteri men qyzmet joly ENESKO-nyń jumysymen, bilimdi ilgeriletý jáne mádenıetaralyq dıalogty qalyptastyrý baǵytyndaǵy mandatymen sabaqtasyp jatyr», - dedi Krısta Pıkkat.