Ahmet Baıtursynuly týraly fılmniń shyǵatyn kúni belgili boldy

SEMEI. QazAqparat - Semeıde qazaqtyń kórnekti aǵartýshysy, qoǵam qaıratkeri jáne saıası pýblıtsıst Ahmet Baıtursynulynyń 150 jyldyǵyna arnalǵan «Sońǵy úkim» tarıhı fılminiń túsirilimi aıaqtaldy. Týyndy QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń kómegimen óndiriske engizildi, dep habarlaıdy QazAqparat.

Jobanyń túsirilimi ótken jyly Almatyda bastalǵan. Bıyl túsirilim protsesiniń negizgi bóligi Semeı qalasynda jáne Almaty men Abaı oblystarynyń tabıǵı nysandarynda ótti.

Qazirgi ýaqytta kartınany montajdaý kezeńi júrip jatyr. Al fılmniń tusaýkeseri 2023 jyldyń 2 aqpanyna josparlanǵan.

Sebebi osy kúni Baıtursynuly redaktor bolǵan alǵashqy kásibı «Qazaq» gazetiniń 110 jyldyǵy toılanady.

Fılm HH ǵasyrdyń basyndaǵy qazaq saıası elıtasynyń eń jarqyn kóshbasshylarynyń biri, qazaq grammatıkasynyń negizin qalaýshy, ǵalym, aqyn jáne pýblıtsıst ómiriniń qyryq jylyn qamtıtyn shaǵyn epızodtardan turady.

Kınojoba bastaýysh mekteptiń qarapaıym oqytýshysynan ulttyń ustazyna aınalǵan Ahmettiń tańǵajaıyp taǵdyryna áser etken mańyzdy oqıǵalar týraly baıandaıdy.

«Alash» partııasynyń negizin qalaýshylardyń biri, qýdalanǵan, birneshe ret qamaýǵa alynǵan.

Biraq soǵan qaramastan tolyq drama men tragedııaǵa toly dáýirde ádemi mahabbatqa da oryn taba bilgen saıasatker-kúreskerdiń arpalysqa toly ómiri kórsetiledi.

Basty rólde Azamat Satybaldy. Sondaı-aq, fılmde Darıa Aleksandrova, Aleksandr Bagrıantsev, Erlan Káribaev jáne basqalar oınady.

«Ahmet Baıtursynuly – bizdiń maqtanyshymyz. Meniń oıymsha, bizdiń jas urpaq osyndaı fılmderdi kórýi tıis. Óıtkeni, Ahmettiń jasaǵan isi, Alashorda qaıratkerleriniń erligi – búgin kezdespeıtin batyldyq. Sondyqtan sol kezdegi oqıǵalardy zamanaýı kórermenge kórsetý kerek», - deıdi basty róldi oryndap shyqqan Azamat Satybaldy.

Túsirilim tobyn rejısserler Erlan Nurmuhambetov pen Ergen Toqmýrzın basqardy.

Qoıýshy-operator - Mars Omarov. Bas prodıýser - Dastan Atyǵaev. Stsenarıı avtory - Ǵalym Dosken.