«Ahmet Baıtursynuly 150 jyl» monetasy shyǵaryldy

NUR-SULTAN. QazAqparat - Qazaqstan Ulttyq banki AHMET BAITURSYNULY. 150 JYL jáne TALǴAT BIGELDINOV. 100 JYL kollektsııalyq monetalaryn aınalymǵa shyǵarady. Monetalar «Este qalatyn oqıǵalar men birtýar adamdar» serııasyn jalǵastyrady.

AHMET BAITURSYNULY. 150 JYL kollektsııalyq monetalary týraly

Monetanyń bet jaǵyndaǵy (aversi) ortalyq bóliginde Qazaqstan Respýblıkasynyń Memlekettik Eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Jıeginde aınaldyra – QAZAQSTAN ULTTYQ BANKI • NATIONAL BANK OF KAZAKHSTAN degen jazý bar. Monetanyń tómengi bóliginde nomınalyn bildiretin jazý bar: kúmisten jasalǵan monetada – 500 TEŃGE, melhıor qospasynan jasalǵan monetada – 100 TEŃGE. Sol jaǵynda moneta jasalǵan metaldy jáne onyń synamasyn bildiretin Ag 925 degen jazý, oń jaǵynda massany bildiretin 24 g degen jazý ornalasqan.

Monetanyń syrt jaǵynda (reversinde) Ahmet Baıtursynovtyń plakattyq grafıka stılinde oryndalǵan portrettik beınesi ornalasqan. Portrettiń oń jaǵynda kitaptyń stıldendirilgen keskin jaqtaýynda 150 JYL jáne Ahmet Baıtursynuly jazýlary bar. Joǵarǵy bóliginde QUB logotıpi men soǵylǵan jyly – 2022 beınelengen. Tómengi bóliginde – qylqalam beınesi, Ahmet Baıtursynovtyń ómir súrgen jyldary – 1872 jáne 1937 jj., tómengi bóliginde qylqalam beınesiniń astynda Bilim álemdi qutqarady jazýy ornalasqan.

Monetalar:

- kúmis monetanyń massasy – 24 gramm, dıametri – 37 mm, daıyndaý sapasy – «proof», nomınaly – 500 teńgelik, daıyndaý taralymy – 2 000 dana;

Nomınaly 500 teńgelik kúmisten jasalǵan monetalardyń beınesi

- MN 25 melhıor qospasynan jasalǵan moneta massasy – 15 gramm, dıametri – 33 mm, daıyndaý sapasy – «brilliant uncirculated», nomınaly – 100 teńgelik, taralymy – 20 000 dana.

Nomınaly 100 teńgelik melhıordan jasalǵan monetalardyń beınesi

TALǴAT BIGELDINOV. 100 JYL kollektsııalyq monetalary týraly

Monetanyń bet jaǵyndaǵy (aversi) ortalyq bóliginde Qazaqstan Respýblıkasynyń Memlekettik eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Tómengi jaǵynda – monetanyń nomınalyn bildiretin 100 TEŃGE, jıegin aınaldyra – QAZAQSTAN ULTTYQ BANKI • NATIONAL BANK OF KAZAKHSTAN degen jazý berilgen.

Monetanyń syrt jaǵynda (reversinde) Uly Otan soǵysynyń aıaqtalý ýaqytyna baılanysty Talǵat Bıgeldınovtiń portrettik beınesi ornalasqan. Portrettiń sol jaǵynda – shabýyldaýshy ushaqtar men 100 JYL jazýy bar. Portret beınesiniń astynda Talǵat Bıgeldınovtiń týǵan jyly – 1922 jáne monetanyń soǵylǵan jyly – 2022 sandyq belgileri, sondaı-aq TALǴAT BIGELDINOV jazýy ornalasqan. Barlyq jazý juldyzdarmen bólingen.

MN 25 melhıor qospasynan turatyn kollektsııalyq monetalardyń massasy – 15 gramm, dıametri – 33 mm, daıyndaý sapasy – «brilliant uncirculated», nomınaly – 100 teńgelik, taralymy – 15 000 dana.

Monetalardyń beınesi

Kollektsııalyq monetalar Qazaqstan Respýblıkasynyń búkil aýmaǵynda ózderiniń belgilengen qunymen tólemderdiń barlyq túri boıynsha qabyldanýǵa, sondaı-aq barlyq bankte bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady.

Kúmisten jasalǵan monetalar memlekettik tilde, orys jáne aǵylshyn tilderinde QUB-tyń nómirlik sapa sertıfıkaty bar kádesyı oramynda shyǵarylady. Melhıor qospasynan jasalǵan monetalar jeke blısterlik oramda shyǵarylady.

Kollektsııalyq monetalar Qazaqstan teńge saraıynda daıyndaldy.

Foto: nationalbank.kz