AHQO janynan Zań tehnologııasyn damytý jónindegi konsýltatıvti keńes quryldy
Baspasóz málimetterine qaraǵanda, búgin «Astana» halyqaralyq qarjy ortalyǵynyń Basqarýshysy Qaırat Kelimbetovtyń qatysýymen jańa qurylǵan Zań tehnologııasyn damytý jónindegi konsýltatıvti keńestiń birinshi otyrysy ótti.
«Astana» halyqaralyq qarjy ortalyǵy (AHQO) janynan qurylǵan Konsýltatıvti keńes ortalyqtaǵy zań tehnologııasynyń ekojúıesin damytýdy maqsat etedi. Keńestiń qurylýy zań qyzmetteriniń tıimdiligi men sapasyn arttyryp, el azamattarynyń barlyǵyn ashyq etedi.
Sharaǵa AQSh, Nıderlandy, Sıngapýr, Ulybrıtanııa men Shveıtsarııadan konsýltatıvti keńes quramyna engen quqyq pen zań tehnologııasy salasyndaǵy bedeldi sarapshylar qatysty.
Konsýltatıvti keńes zań tehnologııasy salasynda AHQO men múddeli toptardyń arasynda yntymaqtastyqty damytyp, zań tehnologııasyna arnalǵan álemdik deńgeıdegi normatıvti quqyqtyq bazany daıyndaý boıynsha usynystar ázirleıdi.
Mark Bır, Zań tehnologııasyn damytý boıynsha Konsýltatıvti keńestiń Tóraǵasy: «Zań tehnologııasy 2014 jyldan beri joǵary qarqynmen damyp kele jatyr jáne búginge deıin osy salaǵa 13 mlrd dollar ınvestıtsııa salyndy. Investorlar tarapynan zań tehnologııalaryna qyzyǵýshylyqtyń joǵarylyǵy AHQO úshin úlken múmkindikter usynady».
Marat Áıtenov, «AHQO Ákimshiligi» AQ Basqarma tóraǵasynyń birinshi orynbasary: «Jańa tehnologııalardyń jedel damyp, adamdardyń ómirine úlken yqpalyn tıgizip otyrǵany kúmánsiz. Bul zań tehnologııalaryna da qatysty. Biz quqyqtyń osy bolashaǵy zor baǵytynyń múmkindikterin zerdelep jatyrmyz jáne sol aqyly bolashaqta ózimizdiń óńirlik ónim bolatyn úlgilerimizdi daıyndaımyz dep úmittenemin»,-dedi.