AHQO sotynyń tirkeýshisi Kempbell-Holt qazaqstandyq ýnıversıtettiń professory atandy
Bul ataq Kempbell-Holt myrzanyń AHQO, AHQO soty jáne Halyqaralyq tórelik ortalyǵynyń jalpy quqyq júıesiniń, Ortalyq Azııadaǵy alǵashqy osyndaı quqyqtyq ınstıtýttardyń qalyptasýyna jáne damýyna qosqan úlesin bildiredi.
Budan buryn «QAZGZÝ ýnıversıtetiniń qurmetti professory» ataǵyn Ortalyq Azııa kóshbasshylary, halyqaralyq akademııalyq, saıası, dıplomatııalyq jáne bıznes salasynyń ókilderi aldy.
«Krıstofer Kempbell-Holt M. S. Nárikbaev atyndaǵy QAZGZÝ ýnıversıtetinde zań bilimin damytýǵa eleýli úlesin qosty. Ol sondaı-aq bizdiń ýnıversıtetimizdiń akademııalyq qaýymdastyǵynyń bir bóligi boldy», - dedi M.S.Nárikbaev atyndaǵy QAZGZÝ basqarma tóraǵasy Talǵat Nárikbaev,.
«Men úshin osy ýnıversıtetpen yntymaqtasýǵa jáne onyń talantty stýdentterimen kezdesýge úlken qurmet. AHQO soty jáne HTO bolashaq zańgerlerdi eń joǵary halyqaralyq standarttar boıynsha oqytýǵa úles qosý maqsatynda QAZGZÝ-men jaqyn yntymaqtastyqty qýana jalǵastyrady», - dedi AHQO sot apparatynyń basshysy jáne HTO tirkeýshisi Krıstofer Kempbell-Holt.
2018 jyly AHQO soty jáne HTO QAZGZÝ ýnıversıtetimen kelesi salalar boıynsha tyǵyz baılanys ornatty. Olar: QAZGZÝ-da AHQO sotynyń aǵylshyn jalpy quqyǵy men rásimderi boıynsha dárister toptamasy ótkizildi. Dáriskerler retinde Lord Výlf, AHQO sotynyń sýdıalary jáne HTO tóraıymy Barbara Domann hanym boldy.
Sondaı-aq, ýnıversıtette AHQO Zań biliminiń aptalyǵy ótkizildi. Osy aptalyq kezinde zań fakýltetiniń stýdentteri men taǵylymdama alýshy zańgerlerge arnalǵan aǵylshyn jalpy quqyq boıynsha qarqyndy oqytý baǵdarlamasy uıymdastyryldy. Baǵdarlamany Kembrıdj ýnıversıtetinde korporatıvtik quqyq boıynsha magıstrlik baǵdarlamanyń dırektory doktor Mark Mýr júrgizdi. Osy aptalyqtyń sheńberinde ekinshi baǵdarlama Londondyq ortalyqtyń daýlardy tıimdi sheshý jónindegi halyqaralyq akkredıtatsııasyn bere otyryp, medıatorlardyń daǵdylaryna úıretý boıynsha bes kúndik kýrsty qamtydy. Qazaqstandyq on eki bıznes jáne quqyq salasynyń mamany Qazaqstan Respýblıkasynda álemdik standart medıatorlary qaýymdastyǵyn qurý maqsatynda ótkizilip jatqan osy baǵdarlamany oqydy.
AHQO soty men HTO-nyń QAZGZÝ ýnıversıtetimen jemisti yntymaqtastyǵynyń úshinshi baǵyty aǵylshyn jalpy quqyǵynyń barlyq dástúrlerine sáıkes «Moot Court» atty ataqty zań stýdentter arasyndaǵy jarysty ótkizýi boldy. Birinshi oıyn sot úderisi 17 qazanda aǵylshyn tilinde sátti ótti. Jarysqa daıyndyq barysynda stýdentter zań máselesin taldaýǵa, quqyqtyń belgili bir salasyn muqııat zerdeleýge, talapkerdiń nemese jaýapkerdiń óz ustanymyn qorǵaý úshin jazbasha qujattardy daıyndaýǵa, sondaı-aq tájirıbeli sýdıa-praktıkter aldynda kópshilik aldynda sóz sóıleý daǵdylaryn jetildirýge múmkindik aldy. Bul úderiste sýdıalar - AHQO sotynyń sýdıasy ser Robın Djeıkob, AHQO sotynyń sýdıasy ser Stıven Rıchards; shaqyrylǵan sýdıa, Ulybrıtanııa Joǵarǵy soty tóraǵasynyń burynǵy orynbasary Lord Mans sóz sóıledi.
QAZGZÝ ýnıvrsıtetindegi oıyn sot úderisine 200-den astam qonaq keldi, sonyń ishinde Qazaqstan Respýblıkasynyń Ádilet mınıstri Marat Beketaev, Qazaqstandaǵy Ulybrıtanııanyń elshisi Maıkl Gıfford myrza jáne basqa da joǵary laýazymdy qonaqtar qatysty.
QAZGZÝ-da stýdentterdiń halyqaralyq zań jarystaryna jáne oqý sot protsesterine qatysý dástúri qalyptasqan. Osy jyly QAZGZÝ komandasy Halyqaralyq quqyq salasyndaǵy Fılıpp Djessop atyndaǵy Álemdik sot úderisteriniń halyqaralyq raýndynda tamasha nátıje kórsetti. Krıstofer Kempbell-Holt sondaı-aq QAZGZÝ-da ótkiziletin oıyn sot protsesterine qatysty.
2019 jyly AHQO soty jáne HTO QAZGZÝ-men yntymaqtastyqta Qazaqstan men Ortalyq Azııanyń quqyqtyq bilimin damytýǵa úles qosý úshin zań bilimi men kásiptik oqytýdyń halyqaralyq baǵdarlamasyn jalǵastyrýdy josparlap otyr.
Eske sala ketsek, Krıstofer Kempbell-Holt Ulybrıtanııada, AQSh-ta, Taıaý Shyǵysta jáne Eýrazııalyq aımaqta jumys atqarǵan ári kóp jyldyq quqyqtyq tájirıbesi bar. Ol Londonnyń Ýnıversıtettik kolledjinde Etıka jáne quqyq ortalyǵyn qosa alǵanda, birneshe zań ortalyqtarynyń negizin qalaǵan. Ol Lord Výlftiń tóraǵalyǵymen Katardaǵy kommertsııalyq jalpy quqyq sotynda tirkeýshi boldy. Ol túrli ýnıversıtetterde dárister oqýdy jalǵastyrady jáne keńinen jarııalanady. Krıstofer Kempbell-Holt 2003 jyly Londonnyń Ýnıversıtettik kolledjin quqyq salasyndaǵy bakalavr dárejesimen (LLB) bitirdi. Ol Daýlardy tıimdi sheshý ortalyǵynyń (CED) akkredıttelgen medıatory bolyp tabylady.
Aıta keterligi, 2015 jylǵy jeltoqsan aıynda Qazaqstan Respýblıkasynyń Prezıdenti Nursultan Nazarbaev «Astana» halyqaralyq qarjy ortalyǵyn (AHQO) qurý týraly konstıtýtsııalyq zańǵa qol qoıdy. AHQO-nyń maqsaty qarjylyq qyzmetterdi kórsetetin halyqaralyq deńgeıdegi jetekshi ortalyq qalyptastyrý bolyp tabylady. Postkeńestik keńistikte tuńǵysh ret aǵylshyn quqyǵynyń qaǵıdattary engiziledi, qarjy ortalyǵynyń resmı tili - aǵylshyn tili bolady.
AHQO-nyń mindetteri qarjylyq qyzmetter salasynda ınvestıtsııalaý úshin tartymdy orta qurý arqyly el ekonomıkasyna ınvestıtsııalar tartýǵa járdemdesý, Qazaqstan Respýblıkasynyń baǵaly qaǵazdar naryǵyn damytý, onyń halyqaralyq kapıtal naryqtarymen yqpaldasýyn qamtamasyz etý. AHQO sondaı-aq elimizde saqtandyrý, bank qyzmetteri men ıslamdyq qarjylandyrý naryǵyn damytýǵa nıettenedi.
AHQO soty (AIFC Court) táýelsiz zańdy tulǵa bolyp tabylady. Onyń óziniń Anglııa qoǵamdyq quqyǵy júıesiniń protsedýralary men aldyńǵy qatarly halyqaralyq praktıkaǵa negizdelgen ózderiniń protsesýaldyq normalary men qaǵıdalary bar.
AHQO soty óziniń qyzmetinde eshkimge táýelsiz jáne Qazaqstan Respýblıkasynyń sot júıesine kirmeıdi.
AHQO soty birinshi shaǵymdaný soty men apellıatsııalyq sotynan turady. Birinshi shaǵym soty shaǵym somasy shamaly daýlarǵa arnalǵan sot retinde belgili arnaıy bólimsheden turady.
AHQO soty AHQO qyzmeti men operatsııasynan týyndaıtyn daýlardy sheshýdi qamtamasyz etýge arnalǵan aıryqsha ıýrısdıktsııaǵa ıe, ol boıynsha barlyq taraptar AHQO sotyn paıdalaný týraly jazbasha kelisimge keldi. Alaıda AHQO soty qylmystyq nemese ákimshilik sıpattaǵy kez kelgen daýǵa qatysty ıýrısdıktsııaǵa ıe bolmaıdy.
AHQO soty isterdi qarastyrýda barynsha tıimdi jáne aldyńǵy qatarly praktıkany qoldanady.
Al, Halyqaralyq arbıtraj ortalyq AHQO (AIFC International Arbitration Centre) táýelsiz zańdy tulǵa bolyp tabylady. Onyń ózinde jetekshi halyqaralyq praktıka negizinde qurastyrylǵan menshikti óziniń rásimdik qaǵıdalary bar. HAO munaı-gaz, saýda, qurylys, energetıkalyq, ıslam qarjysy salasy, bank salasy men avtorlyq quqyqty qorǵaý salasy sııaqty kommertsııalyq quqyq salalarynda tórelik pen medıtsatsııa da jyldar boıyna birlesip jınaǵyn tájirıbeli, biliktiligi joǵary tóreshiler men medıatorlardan quralǵan óz alqasyna ıe. Halyqaralyq Arbıtraj ortalyq sheshimderi Qazaqstanda da, sonymen birge álemde de moıyndalǵan ári oryndalady.