AHQO soty stýdentter jarysynyń jeńimpazdaryn marapattady
Moot Court - stýdentter arasynda sot oıyny túrinde ótetin ataqty zańgerlik jarys. Jarysqa daıyndyq barysynda stýdentter berilgen aǵylshyn tilinde zańgerlik problemany taldap, talap qoıýshy nemese jaýap berýshi pozıtsııalaryn qorǵap shyǵýy tıis. Olar jazbasha qujattardy ázirlep, tájirıbeli sýdıalarynyń aldynda sóz sóıleıdi. Búgin stýdentterge AHQO sotynyń sýdıalary - ser Robın Djeıkob pen ser Stıven Rıchards tórelik etti.
«Stýdentterdiń oıyn túrindegi sot protsesi Anlgııa men Ýelste ǵasyrlar boıy júrgizilip keledi. Bolashaq quqyqtaný mamandary úshin bul qanshalyqty kúrdeli bolsa, sonshalyqty úlken tájirıbe beredi. Olar 2 tarapqa bólinip, oıdan shyǵarylǵan is boıynsha tájirıbeli sýdıalardyń aldynda naǵyz sot protsesin ótkizedi. Búgin stýdent pen oǵan nesıe bergen bank «sottasady». ıAǵnı, stýdenttiń bankke qarsy apellıatsııalyq shaǵymyn qarastyramyz», - dep túsindirdi AHQO sýdıasy Stıven Rıchards.
Bıylǵy jarysqa Qazaqstannyń bes ýnıversıtetiniń stýdenttik komandalary qatysty. Nátıjesinde aqtyq saıysqa M. Nárikbaev atyndaǵy KAZGıÝÝ jáne KIMEP ýnıversıtetiniń stýdentteri iriktelip shyqty.
«Biz AHQO soty men Halyqaralyq tórelik ortalyǵynda qazaqstandyq zańgerler men bolashaq quqyqtanýshylardy eń úzdik halyqaralyq mashyqtarmen qamtamasyz etkimiz keledi. Búgingi sot protsesi oıyny bizdiń sharalardy túıindeıdi. Bizdiń bilim berý baǵdarlamamyzda 2018 jyldan bastap, 500-den astam adam bilim aldy. 2019 jyly Nur-Sultan men Almatyda 300-den astam qazaqstandyqtardy tegin oqyttyq. Trenıngter men sheberlik sabaqtaryn bizdiń sýdıalarymyz jáne Kembrıdj ýnıversıtetiniń, London ýnıversıtettik kolledji men Daýlardy tıimdi sheshý ortalyǵynyń jetekshi akademıkteri men praktık-zańgerleri júrgizdi. Bul mamandar KazGıÝÝ, EUÝ jáne Joǵarǵy sotta dáris oqydy. Kelesi jyly da oqytý baǵdarlamalary jalǵasyn tabady», - AHQO soty men HTO tirkeýshisi jáne apparat jetekshisi Krıstofer Kempbell-Holt aqtyq saıystyń ashylýynda.
Oıyn sońynda shaǵym túsirýshi stýdenttiń atynan sóz sóılegen KIMEP komandasy jeńiske jetti. Olar «The AIFC Court & IAC Moot Final Winners Cup» arnaıy kýbogymen marapattaldy. Al oıynnyń barlyq qatysýshylaryna AHQO soty men Halyqaralyq tórelik ortalyǵynda tájirıbeden ótý múmkindigi berildi.
Aıta keteıik, AHQO soty táýelsiz organ bolyp sanalady, ol Anglııa men Ýelstiń jalpy quqyqtyq negizderine jáne jetekshi halyqaralyq qarjy ortalyqtarynyń standarttaryna negizdelgen.
2019 jyldyń shilde aıynda Memleket basshysy Qasym-Jomart Toqaevtyń qatysýymen AHQO soty men Halyqaralyq tórelik ortalyǵy resmı túrde ashyldy.