AHQO Bıýrosy men Qazaqstannyń ishki aýdıtorlar ınstıtýty yntymaqtastyq ornatty

NUR-SULTAN. QazAqparat – «Astana» halyqaralyq qarjy ortalyǵy men QR ishki aýdıtorlar ınstıtýty yntymaqtastyq týraly memorandýmǵa qol qoıdy, dep habarlaıdy QazAqparat.

Qujatqa «AHQO Ákimshiligi» AQ Basqarma tóraǵasynyń orynbasary Ernur Rysmaǵambetov pen QR ishki aýdıtorlar ınstıtýtynyń sertıfıkattaý boıynsha dırektory Malıka Qaparova qol qoıdy.

Bul memorandýmnyń basty maqsaty – ishki aýdıtorlarǵa arnalǵan jańa oqytý baǵdarlamasyn ashý.

«AHQO Bıýrosynda birqatar halyqaralyq bilikti kompanııalarmen yntymaqtastyq ornatylǵan. Túrli baǵyttar boıynsha mamandardy oqytamyz. Endi ár jarty jyl saıyn jańa baǵdarlamalar ashyp otyramyz. Qarjy mınıstrligi aýdıtorlarǵa arnalǵan CIA (Certified Internal Auditor) sertıfıkatyn qosýdy surady. Sebebi, mınıstrlik ishki aýdıtorlar ázirleý qajet. Biz naryqty zertteı kele, CIA baǵdarlamasyn qosýdy uıǵardyq. Bizdiń mindetimiz – jergilikti naryqqa halyqaralyq bilimdi qoljetimdi etý, sondyqtan memorandým bekitip, birlese oqytýshylar ázirlegimiz keledi», - dedi Ernur Rysmaǵambetov.

Buǵan deıin «AHQO Ákimshiligi» AQ Basqarma tóraǵasynyń orynbasary QR Qarjy mıınstrliginiń barlyq aýdıtorlarynyń halyqaralyq dárejede bilim alatynyn habarlaǵan edi.