Aǵymdaǵy jyly «Eńbekti qorǵaý jáne qaýipsizdik» avtomattandyrylǵan aqparattyq júıesi iske qosylady

ASTANA. 16 aqpan. QazAqparat - Aǵymdaǵy jyly elimizde «Eńbekti qorǵaý jáne qaýipsizdik» avtomattandyrylǵan aqparattyq júıesi óndiristik iske qosylady.

Bul týraly búgin QR Prezıdenti janyndaǵy Adam quqyqtary jónindegi komıssııanyń otyrysynda QR Eńbek jáne halyqty áleýmettik qorǵaý vıtse-mınıstri Birjan Nurymbetov málim etti.

«Aǵymdaǵy jyly shynaıy ýaqyt rejiminde eńbek jaǵdaıyn esepke alý jáne monıtorıng, óndiristik jaraqat serpini, eńbek qatynastary jáne eńbekti qorǵaý  salasyndaǵy buzýshylyqtar men olardy joıýdy júzege asyrýǵa múmkindik beretin «Eńbekti qorǵaý jáne qaýipsizdik» avtomattandyrylǵan aqparattyq júıesi óndiristik iske qosylady», - dedi ol.

B.Nurymbetovtiń atap ótýinshe, kásiporyndarda eńbekti qorǵaýdy basqarý júıesi boıynsha halyqaralyq jáne ulttyq standarttardy engizý baǵytyndaǵy jumystar da óz jalǵasyn tabatyn bolady.