Aǵymdaǵy jyly Balqash JES-nyń birinshi modýli ınfraqurylymdarynyń qurylysy bastalady
Bul joba elimizdiń ońtústik óńirlerindegi elektr qýatynyń jetispeýshiligi problemasyn sheshýge múmkindik beredi, dep habarlady pm.kz saıty.
Aıta ketý kerek, Balqash JES-ynda 2010 jyldan beri 8 daıarlyq nysany boıynsha jalpy quny 9,1 mlrd. teńgeniń jumystary júrgizilýde. Qazirgi tańda sý burý, aýyz sý, káriz júıelerin, aınalma temirjol jelilerin salý jáne qaıta jańartý jumystary júrgizilip jatyr. Barlyq daıarlyq jumystary 2012-2013 jyldary júrgiziledi dep josparlanýda.
«Samuryq-Energo» AQ-nyń aqparaty boıynsha, І modýl qurylysyn jobalaý jumysy 2012 jyldyń shilde aıynda bastalady, al birinshi kezektegi qurylys jumystary qyrkúıek aıynda bastalmaq.
І modýldiń negizgi nysandarynyń qurylysy joba bekitilgennen keıin 2013 jyldyń mamyr-maýsymynda bastalady. Balqash JES-ynyń birinshi kezeńiniń qýaty 1320 MVt quraıdy (660 MVt eki blok). Birinshi kezeńniń qurylysy 60 aıǵa jalǵasady.
Balqash JES-ynyń ınfraqurylymyn salý barysynda zamanaýı gaz tazalaý jabdyqtary, membranaly tehnologııamen jumys isteıtin sý daıarlaý qondyrǵylary, yqpaldasqan avtomattandyrylǵan basqarý júıesi, munara qurylǵysynyń kómir qazandyqtarynda otyndy alaýmen jaǵý, azot totyqtarynyń shyǵarylýyn azaıtýdyń tehnologııalyq ádisteri sııaqty energetıkalyq tıimdi, ınnovatsııalyq sheshimder qoldanylatyn bolady.
Jobanyń áleýmettik mańyzy zor, qurylys kezeńinde 3500-den 5500-ge deıingi aralyqta jańa jumys orny qurylady.
Balqash JES-ynyń birinshi blogy 2017 jyldyń IV toqsanynda iske qosylady, al ekinshi blogy 2018 jyldyń ІІ toqsanynda paıdalanýǵa beriledi dep josparlanýda. 2018 jyldyń ІІІ toqsanyn bastap Balqash JES-nyń birinshi kezeńi óziniń jobalyq qýatyna shyǵady, 9 mlrd. KVt/saǵatqa deıin elektr qýatyn óndiriletin bolady.
Jalpy alǵanda, Balqash JES qurylysynyń jobasy qajetti energııa qoryn jasaqtaýǵa, elektr qýaty jetkizilimin senimdiligin arttyrýǵa jáne Qazaqstannyń ońtústik óńirlerindegi energııa qýatynyń jetispeýshiligi problemasyn sheshýge múmkindik beredi.