Aǵymdaǵy jyly agrokeshen sýbektileriniń 500-ge jýyq qaryz shartynyń sýbsıdııalanýy maquldandy

ASTANA. QazAqparat - Aǵymdaǵy jyly nesıeler, sondaı-aq tehnologııalyq jabdyqtyń jáne aýyl sharýashylyǵy tehnıkasynyń lızıngi boıynsha syıaqy mólsherlemelerin sýbsıdııalaý baǵdarlamasy aıasynda agroónerkásiptik keshen (AÓK) sýbektileriniń 490 qaryz shartynyń arzandatylýy maquldandy.

sharttar boıynsha negizgi qaryz somasy 12,3 mlrd. teńgeni quraıdy. Maquldanǵan sharttardyń qoldanylý merziminiń aıaqtalýyna deıingi sýbsıdııalar mólsheri 1,9 mlrd. teńgege teń. Sonyń ishinde aǵymdaǵy jylǵa 682,2 mln. teńge sýbsıdııa qaralǵan. Bul týraly «Qazagromaketıng» AQ baspasóz qyzmetinen habarlady.

Sýbsıdııalanǵan nesıeler ishinde:

aınalym qarajatyn tolyqtyrý boıynsha 204 qaryz sharty (2015 jylǵy sýbsıdııa mólsheri - 489,3 mln. teńge);

negizgi quraldardy satyp alý men qurylysqa berilgen 154 qaryz sharty (2015 jylǵy sýbsıdııa mólsheri - 104,1 mln. teńge);

aýyl sharýashylyǵy tehnıkasy men tehnologııalyq jabdyqtarynyń lızıngi boıynsha 132 qaryz sharty (2015 jylǵy sýbsıdııa mólsheri - 88,8 mln. teńge) bar.

Sýbsıdııalaý baǵdarlamasyna qatysý úshin ótinimder 28 qarjy ınstıtýtynan kelip túsken.

Jalpy maquldanǵan sýbsıdııalar somasynyń 31,7% Aqmola oblysynyń úlesine tıesili, bul aımaq boıynsha 2015 jyly tólenýi tıis sýbsıdııa somasy 216,6 mln. teńgeni quraıdy.

Jalpy maquldanǵan sýbsıdııalar somasynyń 15,7% Almaty oblysynyń úlesine tıesili, bul aımaq boıynsha 2015 jyly tólenýi tıis sýbsıdııa somasy 107,7 mln. teńgeni quraıdy.

Jalpy maquldanǵan sýbsıdııalar somasynyń 14,8% Soltústik Qazaqstan oblysynyń úlesine tıesili, bul aımaq boıynsha 2015 jyly tólenýi tıis sýbsıdııa somasy 101,4 mln. teńgeni quraıdy.

Aýyl sharýashylyǵy salalarynyń ishinde:

- mal sharýashylyǵy boıynsha 290 shart (2015 jyly tólenetin sýbsıdııa kólemi - 123,5 mln. teńge);

- ósimdik sharýashylyǵy boıynsha 121 shart (2015 jyly tólenetin sýbsıdııa kólemi - 222,1 mln. teńge);

- aýylsharýashylyq ónimderin óndirý men qaıta óńdeý boıynsha 37 shart (2015 jyly tólenetin sýbsıdııa kólemi - 249,3 mln. teńge);

- aralas aýyl sharýashylyǵy boıynsha 42 shart (2015 jyly tólenetin sýbsıdııa kólemi - 87,1 mln. teńge) maquldandy.

Eske sala ketsek, bul qoldaý baǵdarlamasy nesıelik/lızıngtik sharttar boıynsha syıaqy mólsherlemeleriniń bir bóligin sýbsıdııalaý jolymen qarjylyq qyzmetterdiń agrokeshen sýbektilerine qoljetimdiligin arttyrýǵa baǵyttalǵan.