Aǵymdaǵy jyldyń ІІ jartyjyldyǵynda qurylys ındýstrııasy boıynsha 20 joba júzege asyrylýda
Bul týraly Pm.kz saıtyna Indýstrııa jáne jańa tehnologııalar mınıstrliginen habarlady.
Qazirgi tańda qurylys salasynda qoldanylatyn materıaldardyń jartysyna jýyǵy el aýmaǵynda óndiriledi. Atap aıtqanda, «Aqtóbe metall emes qubyrlar zaýyty» AQ-nyń «Shyny-plastık qubyrlar zaýytynyń 3-shi kezeńi» jobasy (195 mln. teńge ınvestıtsııa), «Qubyrlarǵa arnalǵan jylý oqshaýlaǵysh penopolıýretan óndirisi» (466 mln. teńge ınvestıtsııa), «Shaǵyl tas óndirý zaýyty» jobasy (ınvestıtsııa kólemi - 75 mln. teńge, jobalyq qýaty - jylyna 50 myń tekshemetr) júzege asyrylyp otyr.
Oǵan qosa, «Asfalt-beton óndirý zaýytynyń І kezeńi», «Qurylys jabdyqtary óndirisi», «Tsement zaýyty», «Qurylys materıaldary kombınaty», «Arnaıy maqsattaǵy tutqyr materıaldar óndirisi», «Jyldyq qýatyn 10 mln. danaǵa deıin arttyra otyryp, kirpish zaýytyn jańǵyrtý» (Qostanaı) jobalary qolǵa alyndy.
Sonymen qatar «Suıyq shyny óndiretin zaýyttyń qurylysy», «Gaz-beton buıymdar óndiretin zaýyt», «Modýldik úıler jasaıtyn zaýyt», «Ónerkásiptik maqsattaǵy nysandar qurylysy, jol bıtýmyn shyǵarý» jobalaryn da iske qosý qarastyrylǵan.
ÚIID baǵdarlamasynyń aıasynda ІІ jartyjyldyqta 162 ındýstrııalyq jobany iske qosý josparlanǵan jáne onyń ishinde 20 joba qurylys ındýstrııasy sektoryna qaraıdy. Baǵdarlama aıasynda qurylys ındýstrııa men aǵash óńdeý sektoryna 283 mlrd-tan astam teńge ınvestıtsııalaý josparlanýda.