Aǵymdaǵy jyldyń І jartyjyldyǵynda «KEGOK» halyqtyq ІRO-ǵa shyǵýy tıis - S.Ahmetov

ASTANA. 7 aqpan. QazAqparat - Aǵymdaǵy jyldyń І jartyjyldyǵynda «KEGOK» halyqtyq ІRO-ǵa shyǵýy tıis. Bul týraly búgin «Samuryq-Qazyna» UÁQ» AQ-nyń alqa májilisinde Úkimet basshysy Serik Ahmetov aıtty.

Halyqtyq ІRO baǵdarlamasyna halyq tarapynan qyzyǵýshylyq bar ekendigin basa aıtqan Úkimet basshysy: «Biz jyljýymyz qajet. Aǵymdaǵy jyldyń birinshi toqsanynda, biz KEGOK-ty qarastyrýymyz qajet», - dedi.

Onyń atap ótýinshe, búginde el azamattary atalǵan kompanııa qor naryǵyna qashan shyǵarylantyndyǵyn kútýde. «KEGOK týraly aıtar bolsa, kórsetkishteri jaqsy, óte tıimdi kompanııa. Meniń oıymsha, onyń qor naryǵyna shyǵýyna serpin beredi», - dedi ol.

S.Ahmetovtiń sózine qaraǵanda, «QazTransOıl» kompanııasynyń 35 myń salymshysy bar. Bastapqyda kompanııanyń 1 aktsııasy 725 teńge bolsa, búginde 808 teńgege kóterilgen. Sondyqtan da oǵan azamattardy barynsha mol tartý qajettigin, al olardyń qarajattary el ekonomıkasyn damytýǵa baǵyttalatynyn basa aıtqan Premer-Mınıstr: «Birinshi jartyjyldyqta - KEGOK, ekinshi jartyjyldyqta, Ómirzaq Estaıuly, ІRO-ǵa jol tartatyn úshinshi kompanııany aıqyndańyzdar», - dedi.