Aǵymdaǵy jyldyń 1 toqsanynda «QazTransOıl» AQ munaı tasymaldaý kólemin 4 paıyzǵa arttyrdy
«QazTransOıl» AQ-nyń magıstraldy munaı qubyrlary júıesimen 2011 jylǵy qańtar - naýryzda munaı tasymaldaý kólemi is júzindegi derekter boıynsha 13 mln. 381 myń tonna boldy. 2010 jyldyń osy kezeńimen salystyrǵanda munaı tasymaldaý kólemi 512 myń tonnaǵa nemese 4 paıyzǵa artty», - delingen baspasóz habarlamasynda.
«QazTransOıl» AQ MM júıesi boıynsha júk aınalymy 2011 jylǵy úsh aıda 8 mlrd. 817 mln. tonna km. boldy. Byltyrǵy jylǵy osy kezeńimen salystyrǵanda bul kórsetkish 760 mln. tonna km-ge nemese 9 paıyzǵa artty.
Baspasóz qyzmetiniń aqparatyna sáıkes, bıylǵy úsh aıdyń qorytyndysy boıynsha «Ózen - Atyraý - Samara» magıstraldy munaı qubyrynyń «Atyraý - Samara» ýchaskesimen munaı aıdaý kólemi 4 mln. 36 myń tonna boldy. ıAǵnı 2010 jyldyń osyndaı kezeńimen salystyrǵanda munaı tasymaldaý kólemi 595 myń tonna nemese 17 paıyzǵa artty. Kómirsýtek shıkizatyn tasymaldaý kóleminiń ósimi QHR baǵytynda da saqtalyp otyr. Bıylǵy jylǵy qańtar-naýryzda «Atasý - Alashańqaı» munaı qubyryna munaıdy aýystyryp quıý kólemi 2 mln. 800 myń tonnaǵa jetti. Bul 2010 jyldyń osy kezeńimen salystyrǵanda 347 myń tonnaǵa nemese 14 paıyzǵa artyq.
Sondaı-aq Qazaqstan Respýblıkasy aýmaǵynda ornalasqan «TON-2» munaı qubyry ýchaskesimen Reseı munaıynyń tranzıti 2011 jylǵy esepti kezeńniń qorytyndylary boıynsha 1 mln. 384 myń tonnany qurady. Ósim 39 myń tonnaǵa nemese 3 paıyzǵa teń.
Ótken jylmen salystyrǵanda «QazTransOıl» AQ magıstraldy munaı qubyrlary júıesimen Qazaqstan Respýblıkasynyń munaı óńdeýshi zaýyttaryna munaı tasymaldaý kólemi de arta túsken. Atap aıtqanda, 2010 jyldyń 3 aıynyń qorytyndylary boıynsha Qazaqstan Respýblıkasynyń MÓZ-derine óńdeý úshin munaı tasymaldaý kólemi 3 mln. 59 myń tonnany quraǵan.