Aǵylshynsha oqytatyn muǵalimderdiń qosymsha tólemderi kóbeıtiledi - BǴM
Búgin Parlament Senatynyń jalpy otyrysynda depýtat Sergeı Ershov Bilim jáne ǵylym mınıstrinen orta bilim berý memlekettik uıymdary kadrlarynyń biliktiligin arttyrýǵa qarastyrylǵan bıýdjet shyǵystary jaıynda surady.
«Onyń ishinde birqatar pánder boıynsha úsh tilde oqytý turǵysynda 6,9 mlrd teńge eskerilgen. Muǵalimder tıisti tildik daıyndyqtan ótkennen keıin, ınformatıka, fızıka, hımııa, bılogııa pánderi boıynsha aǵylshyn tilinde oqytýdy qamtamasyz etýi tıis. ıAǵnı, tildik kýrstardan ótkennen soń ustazdar pánderdi aǵylshyn tilinde oqytýda osy tildi tıisti deńgeıde meńgerýge qaýqarly bola ma?», - dep surady S. Ershov.
Onyń sózine qaraǵanda, QR BǴM bıyl 1 qyrkúıekten bastap aǵylshyn tilinde fızıka, hımııa, bıologııa, ınformatıka pánderin aǵylshyn tilinde oqytatyn ustazdarǵa bazalyq qyzmettik eńbekaqysyna qosymsha tólem bekitiletinin habarlady.
«2017 jyly bul maqsattarǵa 864 mln teńge bólindi. Alaıda bıýdjetti naqtylaý kezinde osy somadan 728 mln teńge nemese bólingen kólemnen 84 paıyzy qysqartyldy. 2018 jyly osy ústeme aqyǵa 2,3 mlrd teńge josparlanǵan. Biraq ta muǵalimder úshin qysqa merzimdegi kýrstaryna qarjy baǵyttaý tıimsiz bolýy múmkin, sebebi osy baǵytta sońǵy nátıjege jetý qıyndaý. Bul turǵyda qarjyny bastapqydan aǵylshyn tiline oqytýǵa negizdelgen joǵary oqý oryndarynda pedagogtardy daıarlaýǵa salǵan durys bolar. Sonda tórt jyldan keıin biz aǵylshyn tilinde pán júrgize alatyn muǵalimderge qol jetkizemiz»,- dedi senator.
Óz kezeginde mınıstr Erlan Saǵadıev bul baǵytta atqarylyp jatqan jumystar memleket úshin tyń qadamdar ekenin eske salyp ótti.
«Bıyl úlken eksperımentti bastap kettik, onyń ishinde muǵalimderdi daıarlaý men aǵylshyn tilinde oqytýǵa aýysý sharalary eskerilgen. Aldaǵy jyly málimetterge súıene otyryp, ustazdardy daıarlaý kestesine tıisti túzetýlerdi engizemiz. Atap aıtqanda, bul jumystar aldymen talqylaýdan ótetin bolady», - dedi mınıstr.
Onyń sózine qaraǵanda, bıyl 1 500 muǵalim aǵylshyn tilinde oqytýdy bastady.
«Ustazdardy daıarlyqtan ótkizýge toqtalsaq, shynynda kýrstar qysqa merzimdi emes, muǵalim B2 deńgeıine deıin jetýi tıis. Eger de qysqa merzimdi kýrstar oǵan 1-shi deńgeılen ótýge múmkindik berse, onda ol kelesi kezeńge barýy kerek. Bul turǵyda muǵalim de aǵylshyn tilinde pán júrgizýge jáne onyń ústine tıisti ústemeaqyǵa ruqsaty bolýy úshin qajetti deńgeıge jetýi kerek», - dedi vedomstvo basshysy.
Sonymen qatar Saǵadıev ustazdardy daıarlaý men olarǵa arnalǵan qosymsha tólemderge bólinetin qarjy jyl saıyn artatynyn atap ótti.
«Bul baǵytta tıisti jumystardy júrgizip jatyrmyz. Jalpy, búginde baıqalǵan nátıjeler oń kórsetkishke jetti», - dep túıindedi sózin mınıstr.