Aǵylshyn soty Ilıas Hrapýnovtyń aryzyn qanaǵattandyrmady

ALMATY. QazAqparat - Bıznes jáne menshik boıynsha Aǵylshyn jáne Ýels joǵarǵy sotynyń korol taǵy bóliminiń sýdıasy Endrıý Smıt aktıvterdi paıdalanýǵa tyıym salý týraly sot sheshimin ózgertý týraly Ilıas Hrapýnovtyń aryzyn qarady, dep habarlaıdy QazAqparat BTA bankiniń baspasóz qyzmetine silteme jasap.

Sýdıa Hrapýnovtyń bankke taqqan aıyptarynyń kópshiligi boıynsha zań buzýshylyqtardy baıqamaǵanyn aıtty.

«2015 jylǵy 17 shildesinde Aǵylshyn joǵarǵy soty Muhtar Ábilazov pen Ilıas Hrapýnovqa tıesili aktıvterge tyıym salý týraly buıryq shyǵarǵan bolatyn. Atalǵan buıryqtyń kesirinen Muhtar Ábilıazov pen Ilıas Hrapýnov aktıvteri boıynsha eshbir mámile jasaı almaı otyr. Sondaı-aq, úshinshi tulǵalar banktiń kelisiminsiz jáne Aǵylshyn sotynyń ruqsatynsyz  Hrapýnovqa tıesili aktıvtermen jumys jasaı almaıdy. 2016 jyldyń naýryzynda Aǵylshyn jáne Ýels kommertsııalyq soty barlyq aktıvteriniń paıdalaný men mámleleri týraly tolyq málimetti jarııa etýge májbúrlegen bolatyn. Alaıda Hrapýnov ony oryndamady»,- dedi banktiń baspasóz qyzmeti.

Endi aktıvterge salynǵan tyıymdy buzý týraly sot sheshimin Hrapýnov apellıatsııalyq tártipte daýlaýy múmkin.

Bul protsess 1-2 aıǵa sozylmaq.

«Jalpy alǵanda BTA banki London men Nıý-Iorktegi keńesshileriniń jumysyn jetildirýge kúsh salyp otyr. Bank urlanǵan aqshany Qazaqstanǵa qaıtarýǵa múddeli»,- dedi baspasóz qyzmetinen.