Agrotehnıkaǵa ýtıl jeńildigi sertıfıkatynyń merzimi taǵy bir jylǵa uzartylady – mınıstr

NUR-SULTAN. QazAqparat – Aýyl sharýashylyǵy tehnıkasyna beriletin ýtıldik jeńildik sertıfıkatynyń merzimi taǵy bir jylǵa uzartylady. Býl týraly QR Ekologııa, geologııa jáne tabıǵı resýrstar mınıstri Serikqalı Brekeshev QR Prezıdenti Teleradıokeshininiń «Úsh suraq» baǵdarlamasyna bergen suhbatynda málim etti, dep habarlaıdy QazAqparat tilshisi.

«Búgingi tańda bul salada da problemalar bar. Naqtyraq aıtsaq, EcoQolday júıesimen baılanysty túıtkilder bar. Qazir ol júıe ýaqytsha jumys istep turǵan joq. Tergeý sharalary júrip jatqanyn biletin bolarsyzdar. Osy sharalar bitkennen keıin júıeniń jumysy jalǵasady», - degen vedomstvo basshysy jeńildik sertıfıkattary boıynsha qandaı sheshim qabyldanǵanyn túsindirdi.

«Aýyl sharýashylyǵy tehnıkasyn kádege jaratýǵa ótkizgender jeńildik sertıfıkatyn alady. Osy sertıfıkattyń jaramdylyq merzimi bir jyl ýaqytpen shektelgen. Sondyqtan azamattardan «buǵan deıin berilgen sertıfkattardyń jaramdylyq merzimi ótip ketip, paıdaǵa jaramaı qalmaı ma?» degen negizdi qaýipteri bolǵan. Qazir biz osy sertıfıkattyń jaramdylyq merzimin taǵy bir jylǵa uzartý týraly Indýstrııa mınıstrligimen birlesken buıryq jasap jatyrmyz. Sál ǵana kútý kerek. Tıisti jumystar jasalyp jatyr. Jaqyn kúnderi atalǵan buıryq shyǵady dep oılaımyn. ıAǵnı alańdaýǵa sebep joq», - dedi Serikqalı Brekeshev.

«Úsh suraq» baǵdarlamasynda S.Brekeshev, sondaı-aq kıikter popýlıatsııasyn retteý týraly suraqqa jaýap bergen bolatyn.