Agroónerkásiptik keshendegi memlekettik ınspektsııa komıtetiniń Qyzylorda oblystyq aýmaqtyq ınspektsııa basshysy taǵaıyndaldy

<p>QYZYLORDA. KAZINFORM - Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń Qyzylorda oblystyq aýmaqtyq ınspektsııa basshysy qyzmetine Muhtar Orazbaev taǵaıyndaldy.</p>

Muhtar Áýesuly Orazbaev 1971 jyly Aral aýdanynda dúnıege kelgen. Batys Qazaqstan aýyl sharýashylyǵy ınstıtýtyn «Aýyl sharýashylyǵyn mehanızatsııalaý» mamandyǵy boıynsha bitirgen.

Eńbek jolyn 1997 jyly «Aralbalyq óndirisi» aktsıonerlik qoǵamy avtoparkiniń mehanıgi bolyp bastaǵan. 2000-2012 jyldary Aral aýdany ákimi apparatynyń jetekshi mamany, bas mamany, bólim basshysy, apparat basshysy laýazymdarynda abyroıly qyzmet atqarǵan. 2012-2021 jyldary Aral aýdany ákiminiń orynbasary, aýdan ákimi boldy.

2021 jyldyń mamyr aıynan osy kezge deıin Qazaly aýdanynyń ákimi qyzmetin atqaryp keldi.

Eske salsaq, budan buryn Baqyt Jahanov Qyzylorda oblysy ákiminiń orynbasary taǵaıyndaldy.