Agroónerkásiptik keshen sýbektileri memqoldaý sharalaryna teń qol jetkizýi tıis – Úkimet basshysy
«Memleket basshysy kóktemgi egis jumystaryn sapaly jáne ýaqtyly júrgizý qajettigin erekshe atap ótti. Dıqandardy arzandatylǵan dızel otynymen, tuqymmen, tyńaıtqyshtarmen jáne pestıtsıdtermen qamtamasyz etý máselesin sheshý qajet. Oblystardyń ákimdikteri tıisti tehnologııalardy qoldaný arqyly ylǵal qoryn saqtaý jáne ony únemdep paıdalaný boıynsha is-sharalardy qabyldaýy qajet», - dedi Álıhan Smaıylov.
Osy rette Úkimet basshysy aýyl sharýashylyǵy salasyn memlekettik qoldaý júıesin jetildirý jumystaryn jyldamdatý kerektigin basa aıtty.
«Aýyl sharýashylyǵy mınıstrligine osy jylǵy 1 maýsymǵa deıin biryńǵaı memlekettik aqparattyq júıe qura otyryp, memlekettik qoldaý mehanızmin qaıta qaraýdy jáne ońtaılandyrýdy, sondaı-aq aqparattyq júıege tegin kirýdi qamtamasyz etýdi tapsyramyn. Sharýashylyq kólemi men nysanyna qaramastan agroónerkásiptik keshen sýbektileri úshin memlekettik qoldaý sharalaryna teń qol jetkizý jáne olardyń qarsy mindettemelerin bekitý mindetti shart bolýy tıis», - dedi Premer-Mınıstr.