Agroónerkásip kesheniniń áleýeti arta túspek - qyzylordalyq ǵalym

QYZYLORDA. QazAqparat - «Elbasy Joldaýynda el óimirinde mańyzdy kóptegen máseleler qamtyldy. Olardyń qatarynda agroónerkásip kesheniniń áleýeti, ınnovatsııalyq jáne servıstik sektorlardy damytý baǵytynda aldaǵy ýaqytta san alýan ister júzege asyrylatyny qýantady», - dedi tehnıka ǵylymdarynyń kandıdaty Esenjol Nazarov QazAqparat tilshisine.

«Agroónerkásip salasy - elimizdegi mańyzdy salanyń biri. Sondaı-aq, azamattardyń teń jarymyna jýyǵy aýyldyq jerlerdi meken etedi. Memleket basshysynyń Joldaýda agroónerkásip kesheniniń áleýetin tolyq iske qosý kerektigin aıtýyn tolyq qoldaımyn. Jalpy, memelkettik qoldaýdyń barlyq sharalaryn elimizge zamaanýı agrotehnologııalardy aýqymdy túrde tartýǵa baǵyttaý qajettigine nazar aýdarylatyn boldy. Aýyl turǵyndary keleshekte bul baǵytta nátıjeli jumystarǵa qol jetkizedi degen úmittemin», - dedi E.Nazarov.

E.Nazarovtyń aıtýynsha, búgingi tańda elimizde ınnovatsııaǵa mańyz berilip keledi. Ony bolashaqtyń basty jobasy retinde qarastyrýǵa ábden bolady. Qazirgi tańda álemniń kóptegen memelketteri osy maqsatta zor tabystarǵa qol sozyp otyr. Endigi kezekte mundaı ıgi ister bizdiń elimizde de júzege asýyna jol ashylatyn bolady.

«Joldaýda Memleket basshysy «Eń aldymen, «bolashaqtyń ekonomıkasynyń» balamaly energetıka, jańa materıaldar, bıomedıtsına, úlken derekter, zattar ınterneti, jasandy ıntellekt, blokcheın jáne basqa da baǵyttaryn ilgeriletýdi qamtamasyz etý qajettigine toqtaldy. Sondaı-aq, Úkimetke Nazarbaev Ýnıversıtetimen birlesip, naqty jobalardy anyqtaı otyryp, árbir baǵyt boıynsha arnaıy baǵdarlamalardy ázirleý mindetin júktedi. Bul - Qazaqstannyń aldaǵy damý baǵytyna tyń serpin beretin ıgilikti sharalar», - dedi E.Nazarov.

Onyń aıtýynsha, Joldaýda kórsetilgen mektepke deıingi bilim berý sapasyn jaqsartý,  «Pedagogtar mártebesi týraly» zańdy qabyldaý qajettigi - qazirgi kezeńdegi kún tártibinde turǵan máseleler. Bul baǵytta el ómirindegi mańyzdy dep sanalǵan kóptegen keleli ister jasalatyn bolady.