Agroónerkásip kesheninde jańa saqtandyrý júıesi iske qosyldy
Jańa saqtandyrý júıesiniń operatory «QazAgro» holdınginiń enshiles kompanııasy – Aýyl sharýashylyǵyn qarjylaı qoldaý qory. 2004 jyldan beri Ósimdik sharýashylyǵyn mindetti saqtandyrý júıesi jumys istep kelgen bolatyn. Al, myna jańa júıe odan basqasha bolmaq.
«Birinshiden, agroónerkásip keshenindegi saqtandyrý endi erikti túrde bolady.
Ekinshiden, salalarǵa shekteý joq. Agrarlyq sektordyń kez kelgen baǵyty saqtandyrylady.
Úshinshiden, saqtandyrý syıaqylaryn memleket sýbsıdııalaıdy. Bul aýyl sharýashylyǵy taýarlaryn óndirýshilerdi yntalandyrýǵa jáne saqtandyrý shartyn jeńildetýge baǵyttalǵan. Saqtandyrý syıaqy somasynyń 50 %-yn memleket sýbsıdııalaıdy. Ol úshin bıyl respýblıkalyq bıýdjetten 2,5 mlrd teńge bólindi» delingen habarlamada.
Jańa júıeni ázirleý kezinde ósimdik sharýashylyǵyndaǵy mindetti saqtandyrýdyń problemalyq máseleleri eskerildi.
«Máselen, aýyl sharýashylyǵy taýaryn óndirýshilerdiń múddelerin qorǵaý maqsatynda júıede Qazaqstan Respýblıkasynyń Qarjy naryǵyn retteý jáne damytý jónindegi agenttiktiń lıtsenzııasy bar saqtandyrý kompanııalary ǵana jumys isteı alady», - deıdi «Aýyl sharýashylyǵyn qarjylaı qoldaý qory» AQ Basqarýshy dırektory – basqarma múshesi Asqar Qalıev.
Jańa júıede álemdik saqtandyrý naryǵynda «A» reıtıngi bar úsh halyqaralyq qaıta saqtandyrý kompanııasy jumys isteıtin boldy. Olar otandyq kompanııalar saqtandyratyn táýekelderdi qaıta saqtandyrady. Bul saqtandyrý táýekelderi týyndaǵan jaǵdaıda kepildi tólemderdi qamtamasyz etýge múmkindik beredi.
Shart jasasýdan bastap tólemmen aıaqtalatyn barlyq rásimder elektrondy tsıfrlyq qoltańba arqyly Qoldau.kz elektrondy platformasynda júrgiziledi. Protsesterdi avtomattandyrý adamı faktordy azaıtady jáne jumystyń ashyqtyǵyn qamtamasyz etedi.
«Búgingi tańda Aýyl sharýashylyǵyn qarjylaı qoldaý qory topyraqtaǵy ylǵaldyń ındeksine negizdelgen saqtandyrý ónimderin bekitti. Saqtandyrýǵa jatatyn dándi daqyldar bıdaı, arpa, suly, júgeri. Al, maıly daqyldar kúnbaǵys, raps, zyǵyr ónimderi. Monıtorıngti júzege asyrý úshin aqparat Jerdi qashyqtan zondtaý kózderinen alynady. Ylǵal deńgeıiniń monıtorıngi turaqty negizde júrgiziledi jáne saqtandyrý jaǵdaıynyńderekteri avtomatty túrde tirkeledi», - deıdi Asqar Qalıev..
Saqtandyrý jaǵdaıy týyndaǵany týraly Qoldau.kz júıesindegi jeke kabınetine nemese jeke elektrondy poshtasyna kelgen habarlamany alǵannan keıin aýyl sharýashylyǵy ónimin óndirýshi tólem jasaıtyn saqtandyrý kompanııasyna ótinish beredi.
Burynǵy júıedegi alynǵan derekter boıynsha saqtandyrýǵa qatysty jaǵdaılardyń 60 %-dan astamy qurǵaqshylyqqa qatysty boldy. Osyǵan baılanysty ónimdi qurǵaqshylyqtan saqtandyrý erekshe mańyzǵa ıe. Sondaı-aq, egis naýqanynyń aıaqtalý merzimi de eskeriledi.
Ylǵaldyń jetispeý qaýpinen saqtandyrý úshin aýyl sharýashylyǵy taýaryn óndirýshiler bıyl 15 maýsymǵa deıin saqtandyrý shartyn jasasýy qajet.Saqtandyrý kezeńi 3 aıdy qamtıdy. ıAǵnı,15 mamyrdan 15 tamyzǵa deıingi aralyq esepke alynady.
Ylǵaldyń shamadan tys bolýyna qatysty saqtandyrý kelisimshartyn 15 tamyzǵa deıin bekitý qajet. Saqtandyrý 2020 jyldyń 15 tamyzynan 15 qyrkúıegine deıingi aralyqta júrgiziledi.
Aldaǵy ýaqytta agroónerkásip keshenindegi saqtandyrý ónimderiniń naryqtaǵy qajettiligi eskerilip, tizimi keńeıtiletin bolady.