Agroónerkásip keshenin damytýdyń 5 jyldyq ulttyq jobasyn ázirleý qajet - Prezıdent

NUR-SULTAN. QazAqparat – Agroónerkásip keshenin damytýdyń 5 jyldyq ulttyq jobasyn ázirleý qajet. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Memleket basshysy qazirgi qoldanystaǵy agroónerkásip keshenin damytý baǵdarlamasy aıaqtalatyndyǵyn atap ótti.

«Úkimetke bıznespen birlesip, aldaǵy 5 jylǵa arnalǵan agroónerkásip keshenin damytýdyń jańa sapaly ulttyq jobasyn ázirleýdi bastaýdy tapsyramyn», - dedi Qasym-Jomart Toqaev.

QR Prezıdentiniń atap ótýinshe, atalǵan jobanyń basty maqsaty - iri naryqty áleýmettik mańyzy bar azyq-túlik ónimderimen tolyq qamtamasyz etý, mıllıondaǵan aýyl turǵyndarynyń tabysyn arttyrý, eńbek ónimdiligin 2,5 ese ulǵaıtý, agroónerkásip kesheni ónimderi eksportyn eki esege kóbeıtý bolmaq.