Agrobank qurý bastamasynan taıynbaımyz – «Aýyl» partııasy tóraǵasy

<p>Agrobank qurylsa, sharýalarǵa tómen paıyzben nesıe bere alar edi. Bul týraly &laquo;Jibek Joly&raquo; telearnasynyń <a href="https://www.youtube.com/watch?v=GT1t8ztyD98&amp;list=PLODSPLCgl5GiCBMGZLh5xobQ-V3O1WwgA&amp;ab_channel=JibekJolyTV" target="_blank" rel="noopener">&laquo;Ýáde&raquo;</a> baǵdarlamasyna suhbat bergen &laquo;Aýyl&raquo; HDPP Tóraǵasy, QR Parlamenti Májilisiniń depýtaty, fraktsııa jetekshisi Serik Egizbaev málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atap aıtqanda, «Aýyl» partııasynyń saılaýaldy baǵdarlamasynda 100% memlekettik jarǵylyq kapıtalmen Agrobank qurýǵa umtylatyny jazylǵan.

«Úkimetke Agrobank qurý jóninde talap qoıyp otyrmyz, birneshe depýtattyq saýal joldadyq. Jaqynda Májiliste ótken dóńgelek ústel otyrysynda osy máseleni taǵy da talqyladyq. Osyǵan qazir Úkimet te, Ulttyq bankte qarsylyq bildirip otyr. Biraq óz bastamamyzdan taıynbaımyz», - dedi S. Egizbaev.

Bul turǵyda ol partııa ókilderi osy máselemen belsendi aınalysyp jatqanyn, sondaı-aq qazir Agrobank qurý bastamasyna Parlament depýtattarynyń kóbisi qoldap otyrǵanyn aıtty. Sebebi Agrobank sharýalarǵa tómen paıyzben nesıe bere alar edi.

«Sonymen qatar bizde «Azyq-túlik qaýipsizdigi týraly» zań joq. Zań jobasyn ázirlep, tıisti saraptamadan ótkizip, ony Parlamentke engizýge daıyndap otyrmyz», - dedi Aýyl» HDPP tóraǵasy.

Budan buryn habarlanǵandaı, bıyl kúzde Májilistegi «Aýyl» partııasy fraktsııasynyń ókili, depýtat Jıgýlı Daırabaev Qazaqstandaǵy fermerlerge Agrobank bankin quryp berý kerek ekenin aıtty.

«Agrarlyq nesıe korporatsııasy», «QazAgroQarjy» jáne taǵy basqa qarjy ınstıtýttarynyń basyn biriktirip, memleketten jyl saıyn bólinip jatqan qarjyny bir jerge toptastyryp, memlekettiń qatysýymen Agrobank ashýdy usynamyz», - dedi J.Daırabaev. 

Bıyl mamyr aıynda Premer-Mınıstr Álıhan Smaıylov Agrobank qurý jónindegi usynysqa jaýap bergen edi.